Հայաստանի մէջ վերջին մէկ օրուայ ընթացքին «Քորոնա» ժահրի դէպքերու թիւը աճած է 111-ով՝ հասնելով 42 936-ի, գրանցուած է հիւանդութենէն մահուան 4 նոր դէպք, կը հաղորդէ Առողջապահութեան նախարարութեան Հիւանդութիւններու վերահսկման եւ կանխարգիլման ազգային կեդրոնը:
Այսօր՝ Օգոստոս 25-ի ժամը 11-ի սահմաններու կեդրոնի կայքի հրապարակած տուեալներուն համաձայն՝ հիւանդութենէն բուժուածներու թիւը աւելցած է 426-ով եւ հասած 36 475-ի:
Ըստ նոյն աղբիւրին՝ կատարուած է 1299 հետազօտութիւն, ընդհանուր թիւը հասաւ 196 873-ի:
Մահուան դէպքերու վերաբերեալ Առողջապահութեան նախարարութիւնը հաղորդած է թէ հիւանդներուն ամենաերիտասարդը եղած է 61 եւ ամենատարեցը 70 տարեկան: Բոլորը ունեցած են ուղեկցող քրոնիկական հիւանդութիւններ։ Նախորդ օրը արձանագրուած է մահուան 4 դէպք, երբ հիւանդներուն մօտ հաստատուած է «Քորոնա» ժահրի վարակ, սակայն մահը վրայ հասած է այլ հիւանդութեան պատճառով:
«Քորոնա» ժահրի հիւանդութենէն մահացածներուն ընդհանուր թիւը հասաւ 858-ի, եւս 260 վարակակիր, ըստ Առողջապահութեան նախարարութեան, մահացած է այլ պատճառներով:
Այսպիսով, COVID-19-էն տուեալ պահուն Հայաստանի մէջ կը բուժուի 5 343 մարդ: