Home ՀԱՅԱՍՏԱՆԱՐՑԱԽ Լեռնային Ղարաբաղը Պէտք է Ունենայ Միջազգային Կարգավիճակ եւ Մնայ Հայկական. Ֆրանք Փալոն

Լեռնային Ղարաբաղը Պէտք է Ունենայ Միջազգային Կարգավիճակ եւ Մնայ Հայկական. Ֆրանք Փալոն

by MassisPost

ԱՄՆ-ի Քոնկրեսի հայկական հարցերով յանձնախումբը վճռական պիտի անդրադառնայ հայ-ատրպէյճանական հակամարտութեան, փորձելու հասնիլ այնպիսի լուծման, որ Լեռնային Ղարաբաղը միջազգային կարգավիճակ ստանայ եւ մնայ հայկական: «Արմէնփրես»-ի հաղորդումով՝ այս մասին ըսաւ Քոնկրեսի հայկական հարցերով յանձնախումբի համանախագահ՝ Ֆրանք Փալոն՝ ՀՀ ազգային ժողովի Հայաստան-ԱՄՆ խորհրդարանական բարեկամական խումբի եւ Քոնկրեսի հայկական հարցերով յանձնախումբի միջեւ տեսակապի միջոցով փոխըմբռնման յուշագրի ստորագրութեան:

«Քոնկրեսի հայկական հարցերու յանձնախումբը պիտի շարունակէ աշխատիլ տարածաշրջանին մէջ տեւական խաղաղութեան հաստատման ուղղութեամբ: Ես գիտեմ, որ հիմա լարուած շրջան է, եւ Ատրպէյճանի կողմէն յարձակում տեղի կ’ունենայ: Եւ մենք գիտենք, որ պէտք է ունենանք այնպիսի լուծում, որու պայմաններուն մէջ Լեռնային Ղարաբաղը ունենայ միջազգային կարգավիճակ եւ մնայ հայկական»,-Ըսաւ Փալոն:

Քոնկրեսականը շեշտեց, որ իրենք վճռական են այդ հարցերուն անդրադառնալու մէջ, փորձելով այդ հարցերը լուծել եւ հաւատարիմ մնալ յանձնախումբի եւ Հայաստան-ԱՄՆ բարեկամական խումբի միջեւ յարաբերութիւնները ամրապնդելու նպատակին:

Հարակից Նյութեր

Leave a Comment