Հայաստանի մէջ վերջին մէկ օրուայ ընթացքին «Քորոնա» ժահրով վարակուածներու թիւը աւելցած է 210-ով։ Հաստատուած դէպքերը արդէն կը մօտենան 10 հազարին, ընդհանուր 9492 վարակման դէպք, որմէ փաստացի բուժուողներն են 5896 ։
Առողջապահութեան նախարարութենէն կը յայտնեն, թէ Մայիս 31-ին, «Քորոնա» ժահրէն մահուան 8 դէպք գրանցուած է։ Մահացածները 63-էն 82 տարեկան էին: Անոնցմէ հինգը տղամարդ են, երեքը՝ կին: Բացառութեամբ մահացած կիներէն մէկէն, միւս բոլորը ունեցած են քրոնիքական հիւանդութիւններ:
Այսպիսով, «Քորոնա» ժահրէն մահացածներուն թիւը Հայաստան հասաւ արդէն 139-ի։
Առողջապահութեան նախարարութենէն կը տեղեկացնեն, որ հիւանդութենէն բուժուածներուն թիւը աւելցած է 16-ով եւ հասած է 3402-ի:
Ի դէպ, վերջին մէկ ամսուայ ընթացքին, ամենաքիչ թիւով հետազօտութիւններ կատարուած են՝ 603: Առողջապահութեան նախարարութենէն կը յայտնեն, թէ պատճառը հանգստեան օրերն ու ընթացիկ աշխատանքներն են։
«Խնդիրն այն է եղել, որ որոշ տարրալուծարաններ, որոնք իրականացնում են հետազօտութիւնները, չեն աշխատել, կատարել են եզրափակիչ ախտահանումներ: Դա բացարձակ չի նշանակում, որ առաջիկայում թուերը նուազելու են եւ աճ չի լինելու: Չեմ ուզում, որ դա մարդկանց մօտ ընկալուի որպէս դէպքերու նուազում, դրական որեւէ վիճակագրութիւն : Նաեւ պէտք է հաշուի առնել, որ չորս օր եղել է ոչ աշխատանքային օր եւ այդ իսկ պատճառով դիմելիութիւնն աւելի քիչ է եղել», – ըսաւ Առողջապահութեան նախարարութեան խօսնակ Ալինա Նիկողոսեան:
