Ամերիկահայ յայտնի գիտնական Փրոֆ. Արտէմ Փաթափութեան արժանացաւ գիտութեան բնագաւառի հեղինակաւոր ՔԱՎԼԻ մրցանակին, տրուած՝ Նորվեկ Արքայական Գիտութեանց Ակադեմիայն կողմէ, անոր, ջղային դրութեանց, մարդկային մարմիններու ճշման եւ շփումներու զգացողութեան, ազդեցութիւնը սրտի եւ այլ մարդկային գործարաններու բջինջներուն վրայ իր նորայայտ տեսութիւններու գիւտարարութեան առ ի գնահատական:
Փաթափութեան մէկ միլիոն տոլարի մրցանակը պիտի կիսէ Սան Ֆրասիսքոյի Գալիֆորնիա Համալսարանի գիտաշխատող Տէյվիտ Ճուլիուսի հետ, որ իր կարգին բացայայտած է թէ մարմինները ինչպէս կը զգան տաքն ու պաղը: Ջղաբանութեան ոլորտին մէջ, Քավլիի Մրցանակային Յանձնաժողովի նախագահ Քրիստինէ Վալհովտ յայտնեց որ անոնց յայտնագործ գիւտերը յեղշրջական կը նկատուին գիտական աշխարհին մէջ ու մեծ ազդեցութիւն պիտի ունենան մադկային առողջութեան խնդիրներու լուծում բերելով:
Քավլի մրցանակը կը միտի մրցիլ Նոպելեան մրցանակին հետ եւ կը շնորհուի երկու տարին անգամ մը այն գիտնականներուն, որոնք էական գիւտեր իրագործած են Աստղագիտութեան, Նանօ-աթոմային թեքնոլոժիին եւ չղաբանութեան բնագաւառներուն մէջ: Այս տարուայ դափնեկիրներու անունները հրապարակուեցան Նիւ Եորքի Համաշխարհային Գիտական Փառատօնի օրերուն:
53 ամեայ Փաթափութեան ծնած է Պէյրութ եւ կրտսեր զաւակն է հանրածանօթ գրող-թատերագիր Սարգիս Վահագնին եւ Դաստիարակ, Տնօրէնուհի Հայկուհի Աճէմեան-Փաթափութեանին: Լիբանանի ներքաղաքացիական կռիւներուն պատճառով ընտանիքին հետ փոխադրուած է Լոս Անճելես, ուր իր պսակաւորի աստիճանը ստացած է Հարաւային Գալիֆորնիայի Համալսարանէն (Եու Սի Էլ Է), իսկ դոկտորականը՝ հռչակաւոր ՔԱԼԹԷՔ համալսաէանէն: Ամոսնացած է եւ ունի մանչ զաւակ մը: 1982-էն ի վեր կը ղեկավարէ Սքրիբս (SCRIPPS) գիտական մեծ հաստատութեան «Փաթափութեան փորձագիտական Տարրալուծարան»ը:
