Home ՀԱՅԱՍՏԱՆ Թուրքիա Ապրող Շարք մը Հայաստանցիներ Կորսնցուցած են Աշխատանքը եւ Որոշած Վերադառնալ Հայաստան

Թուրքիա Ապրող Շարք մը Հայաստանցիներ Կորսնցուցած են Աշխատանքը եւ Որոշած Վերադառնալ Հայաստան

by MassisPost

Արտագնայ աշխատանքի նպատակով Թուրքիա հաստատուած շարք մը հայաստանցիներ «Քորոնա» ժահրի համաճարակի յառաջացուցած ճգնաժամի պատճառով կորսնցուցած են իրենց աշխատանքը եւ որոշած են վերադառնալ Հայաստան:

Մէկ ամիս առաջ, շուրջ 70 հայաստանցիներ, Վրաստանի տարածքով արդէն մեկնած են Հայաստան: Հայրենակիցներու վերադարձը նախաձեռնող՝ Գագիկ Մուշեղեան «Ազատութեան» պատմեց, որ առաջին ուղեւորներու փոխադրումէն յետոյ, կրկին պահանջ յառաջացած է եւ մեկնողներուն թիւը այս անգամ աւելի շատ է:

ՀՀ քաղաքացիներու տեղափոխումը հնարաւոր եղած է Հայաստանի եւ Թուրքիոյ իշխանութիւններու, ինչպէս նաեւ Վրաստանի համապատասխան կառոյցներու փոխգործակցութեան շնորհիւ: Հայկական կողմը հոգացած է ճանապարհածախսը:

«Առաջին անգամ ցուցակագրուել էր 100-ից աւելի մարդ, բայց մեկնեց 76-ը, իսկ այս անգամ 200-ից աւելի էին ցուցակագրել, փաստացի հիմա ունենք 195 մարդու անուն: Իմ կարծիքով՝ աւելի կը պակասի, որովհետեւ որոշ դրդապատճառներով մարդիկ կան, որ հրաժարուեցին՝ մարդիկ կան աշխատավարձ չեն ստացել, մարդիկ կան նորից աշխատեցին, այնպէս որ վերջնական քանակն ուղեւորների չգիտենք: Մեկնելու է եօթ հանրակառք Թուրքիայից, քանի որ դեռ քարանթինի կանոնը հանուած չէ, եւ ամէն նստատեղին մէկ ուղեւոր է նստում: Վրաստանում դիմաւորելու են հայկական չորս հանրակառքեր, այս եօթ հանրակառքերի ուղեւորներն արդէն նորմալ նստելու են հանրակառքերի մէջ, ամէն նստատեղին` երկու ուղեւոր, մինչեւ իրենց տները՝ ինքնամեկուսացման», – ըսաւ Գագիկ Մուշեղեան:

Երեք երեխաներուն հետ Հայաստան վերադարձող Արփինէն ուրախ է, որ շուտով հայրենիք պիտի հասնին: Շուրջ 7 տարի մայրիկին հետ Թուրքիա ապրող Գէորգը այս տարի հիմնական դպրոցը կ’աւարտէ: Ան կ’ըսէ թէ Հայաստան կը մեկնի վկայական ստանալու եւ ուսումը շարունակելու յոյսով:

Թուրքիա գտնուող Հայաստանի քաղաքացիներու թիւի մասին յստակ վիճակագրական տուեալներ չկան։ Անցեալ տարի նախագահ Ռեճեփ Էրտողանը յայտարարած էր, թէ Թուրքիա 100 հազար հայ կայ, որոնցմէ 60 հազարը քաղաքացիութիւն ունի, 40 հազարը անօրինական կ’ապրի։

Հարակից Նյութեր

Leave a Comment