Արժոյթի Միջազգային Հիմնադրամի (ԱՄՀ) գործադիր խորհուրդի որոշմամբ Հայաստանին անմիջապէս հասանելի կը դառնայ 280 մլն տոլար: Ֆինանսաւորումը կը տրուի նոր «Քորոնա» ժահրի վարակը դիմագրաւելու համար:
ԱՄՀ գործադիր խորհուրդը աւարտած է Պահուստային ծրագրի («սթենդ-պայ» ) շրջանակէն ներս Հայաստանի կատարողականի երկրորդ ուսումնասիրութիւնը: 180 միլիոն փոխառութեան յատուկ իրաւունքի (ՓՀԻ)՝ շուրջ 248 միլիոն ԱՄՆ տոլար չափով եռամեայ ծրագիրը գործադիր խորհուրդը հաստատել էր 2019 թ. Մայիսին: Գործադիր խորհուրդը հաստատած է նաեւ ՀՀ իշխանութիւններու խնդրանքը՝ «սթենդ-պայ» ծրագրի շրջագիծէն ներս ապահովելու հասանելիութիւն՝ Հայաստանի քվոտայի 100 տոկոսի չափով: Այսպիսով վերանայման արդիւնքով Հայաստանի համար հասանելի են 280 մլն տոլարի փոխառու միջոցներ:
Հաղորդագրութեան մէջ ըսուած է, որ COVID-19 համաճարակի հետեւանքները եւ համաշխարհային ֆինանսական պայմաններու խստացումը խախտած են Հայաստանի տնտեսական բարենպաստ պայմանները, աճի տեմպը:
Քննարկումէն յետոյ ԱՄՀ գործադիր տնօրէնի տեղակալ Թաօ Ժանգ հանդէս եկած է յայտարարութեամբ: Ան մասնաւորապէս նկատած է, որ 2019-ի բարձր ցուցանիշներէն յետոյ Հայաստանի տնտեսութիւնը խիստ տուժած է COVID-19 համաճարակի պատճառով: «կառավարութիւնը ակտիւօրէն արձագանքած է ճգնաժամին՝ կիրառելով լայն զսպման միջոցառումներ եւ աջակցելով առաւել տուժած հատուածներու՝ խոցելի քաղաքացիներուն եւ ընկերութիւններին»,-ըսած է ան ու նկատել տուած, որ ճգնաժամին արձագանքած է նաեւ Կենտրոնական Դրամատունը:
