Հայաստանի մէջ մէկ օրուայ ընթացքին «Քորոնա» ժահրով վարակուածներու նոր մրցանշային բարձր թիւ գրանցուած է. նախորդ օրը «Քորոնա» ժահրի դէպքերու թիւը աճած է 184-ով, հասնելով 4 հազար 44-ի, գրանցուած է մահուան եւս երեք դէպք, մահացածներու ընդհանուր թիւը հասած է 52-ի, Մայիս 15-ին «Ազատութեան» յայտնեց առողջապահութեան նախարարի մամլոյ քարտուղար Ալինա Նիկողոսեան։
Մինչեւ հիմա մէկ օրուայ հաստատուած վարակակիրներու ամենամեծ թիւը Հայաստանի մէջ Մայիս 12-ին էր, 180 նոր դէպքով:
«Վերջին տուեալներով ունենք հաստատուած «Քորոնա» ժահրային հիւանդութեան ընդհանուր 4 հազար 44 դէպք, որոնցից 1666-ն արդէն առողջացած է, 52-ը՝ մահուան ելքով, եւ փաստացի այս պահին բուժում ստանում է 2 հազար 304 հիւանդ: Հետազօտութիւններու քանակը՝ մինչեւ այս պահը ընդհանուր կատարուել է 37 հազար 476 հետազօտութիւն: Մենք, եթէ օրուայ կտրուածքով ասենք, ունենք հաստատուած 184 նոր դէպք եւ 94 առողջացած: Մահերի հետ կապուած յայտնեմ, որ նախօրէին ունեցել ենք երեք մահուան դէպք «Քորոնա» ժահրային հիւանդութիւնից, նրանց տարիքները՝ 68, 81, 82 տարեկան, նրանցից մէկը եղել է կին, երկուսը՝ տղամարդ, բոլորն ունեցել են ուղեկցող քրոնիքական հիւանդութիւններ», – ըսաւ Ալինա Նիկողոսեան:
Առողջապահութեան նախարարութեան խօսնակը նաեւ յայտնեց. «Վերջին տուեալներով ունենք ծանր վիճակում գտնուող 70 քաղաքացի, իսկ ծայրայեղ ծանր վիճակում՝ 31, նրանցից հինգը միացուած է թոքային օդափոխման սարքի»:
Կառավարութեան որոշումով՝ արտակարգ դրութիւնը երկարաձգուեցաւ եւս 30 օրով, մինչեւ Յունիս 13-ը։ Վարչապետը հիմնաւորեց, թէ ստիպուած են երթալու այդ քայլին, քանի որ «Քորոնա» ժահրի դէպքերու աճով պայմանաւորուած գուցէ շատ որոշակի գործողութիւններու անհրաժեշտութիւն զգացուի, օրինակ՝ թերեւս անհրաժեշտութիւն ըլլայ փակելու որոշ բնակավայր մը։
