Հայաստանի մէջ անցած մէկ օրուայ ընթացքին «Քորոնա» ժահրի դէպքերու թիւը աճած է 65-ով՝ հասնելով 1932-ի, կը հաղորդէ Առողջապահութեան նախարարութեան Հիւանդութիւններու վերահսկման եւ կանխարգիլման կեդրոնը:
Կեդրոնի պաշտօնական կայքի Ապրիլ 29-ի ժամը 11-ին հրապարակած տուեալներու համաձայն՝ հիւանդութենէն բուժուածներու թիւը աւելցած է 34-ով եւ հասած 900-ի:
Ըստ նոյն աղբիւրին՝ կատարուած հետազօտութիւններու ընդհանուր թիւը կը կազմէ 20 հազար 189:
Այսպիսով, «Քորոնա» ժահրային հիւանդութենէն, տուեալ պահուն, Հայաստանի մէջ կը բուժուին 1000 մարդ:
Մահացածներու ընդհանուր թիւը, ըստ նոյն պաշտօնական տուեալներուն կը մնայ 30: Առողջապահութեան նախարարութեան մամլոյ քարտուղար Ալինա Նիկողոսեան կը մանրամասնէ. – «Ընդհանուր առմամբ, ունենք «Քորոնա» ժահրային հիւանդութիւնից մահուան 30 դէպք: Նախորդ օրերին արձանագրուել է մահուան եւս 2 դէպք, երբ հիւանդների մօտ հաստատուած է «Քորոնա» ժահրային վարակ, սակայն մահը վրայ է հասել այլ հիւանդութեան պատճառով»: