Վարչապետ Նիկոլ Փաշինեան հեռախօսազրոյց ունեցած է Իրանի Իսլամական Հանրապետութեան նախագահ Հասան Ռուհանիի հետ:
Նիկոլ Փաշինեան զրոյցի սկզբնաւորութեան Իրանի նախագահին եւ ողջ ժողովուրդին շնորհաւորած է Ռամատանի սուրբ տօնի կապակցութեամբ:
Զրուցակիցները տեղեկատուութիւն փոխանակած են «Քորոնա» ժահրի համաճարակի վերաբերեալ իրենց երկիրները տիրող իրավիճակին եւ անոր դէմ պայքարի առումով ձեռնարկուող քայլերուն մասին: Անոնք երկուստեք ցաւակցութիւն յայտնած են համաճարակի պատճառով մահացածներուն համար: Նշուած է մարդկութեան պատուհասած այս վտանգին դիմակայելու համար միջազգային հանրութեան միասնական ջանքերու գործադրման եւ երկկողմանի համագործակցութեան կարեւորութիւնը:
Կողմերը գոհունակութիւն յայտնած են, որ չնայած հաղորդակցութեան ոլորտի ժամանակաւոր սահմանափակումներուն, երկու երկիրները կը շարունակեն առեւտրատնտեսական համագործակցութիւնը: Երկուստեք կարեւորած է այդ ուղղութեամբ հետագայ քայլեր ձեռնարկելը:
Նիկոլ Փաշինեան եւ Հասան Ռուհանին, մասնաւորապէս, ընդգծած են առեւտրատնտեսական համագործակցութեան նախաճգնաժամային ծաւալներու վերականգնման նպատակով համապատասխան միջոցներ ձեռնարկելու պատրաստակամութիւնը, պահպանելով ստեղծուած իրավիճակին պարտադրած սահմանափակումները:
