National Geographic յայտնի ամսագիրը հրապարակած է Հայաստանի հնագոյն մայրաքաղաք Անիին նուիրուած յօդուած:
Ըստ յօդուածի հեղինակ Անթոնիօ Ռաթիի, 10-րդ դարուն «հազար ու մէկ եկեղեցիներու» քաղաքը դարձած է Հայաստանի մայրաքաղաքը եւ 100 հազար մարդու տունը:
«Սեւ եւ Կասպից ծովերու միջեւ առեւտրային ուղիներու երկայնքով անոր ռազմավարական դիրքը, Անին դարձուցած է գրաւիչ տիրակալութիւն, հարիւրամեակներ շարունակ քաղաքը մատնելով ներխուժումներու, եւ վերջաւորութեան լքուածութեան երկար ժամանակահատուածի»,- նշած է հեղինակը:
«Հայաստանի միջնադարեան թագաւորութիւնը ժամանակին տարածուած է ժամանակակից պետութեան սահմաններէն հեռու: Հին ժամանակներուն այս հողերը անցած են պարսիկներու, սելեւկեաններու, պարթեւներու եւ հռոմէացիներու վերահսկողութեան տակ »,- նշած է հեղինակը աւելցնելով, որ անկախ այս կայսրութիւններու վերելքներուն ու անկումներուն, Անիի մէջ գերակշռած է հայ ինքնութիւնը:
«Քաղաքի անխռով աւերակները, զոր դարեր շարունակ լեփ-լեցուն էր բանակներով, հայերու համար միշտ յատուկ վայր եղած է: Հայոց ցեղասպանութենէն յետոյ այս վայրը դարձած է Հայաստանի կորուստներու մասին յիշատակի եւ անոր զարմանահրաշ աննկունութեան խորհրդանիշներէն մէկը»,- եզրափակած է հեղինակը: