Ապրիլ 10-էն սկսեալ Ամերիկեան մեծ քաղաքներու պաստառներուն վրայ պիտի սկսի «Ես Մենակ Չեմ» ֆիլմի ցուցադրութիւնը: Բազմաթիւ մրցանակներու արժանացած՝ Հայաստանի Յեղափոխութեան մասին վաւերագրական ֆիլմը պիտի ներկայացուի Ապրիլի 10-ին՝ Լոս Անճելըսի, Ապրիլի 17-ին՝ Նիւ Եորքի եւ Ֆրեզնոյի, Ապրիլի 24-ին՝ Ուաշինկթոնի, Պոստոնի եւ այլուր:
Ֆիլմին մէջ ներառուած են բացառիկ հարցազրոյցներ Նիկոլ Փաշինեանի եւ Սերժ Սարգսեանի հետ: ֆիլմը կը հետեւի անհաւատալի իրական պատմութեան՝ այն յեղափոխութեան, որ ցնցեց Հայաստանը 2018թ.-ի գարնան:
Ֆիլմը արժանացած է գովասանքներու «Vice»-ի կողմէ, որ կոչած է այն «վարպետօրէն ստեղծուած» եւ «The Hollywood Reporter»-ի կողմէ, որն այն կոչած է «ժողովրդավարական ինքնավճռականութեան ոգեշնչող պատկեր»: Ֆիլմը արժանացել է քննադատների 100% գնահատականին «Rotten Tomatoes» կայքէջի՝ 9.3 գնահատականին:
«2018-ին Հայաստանը ժայթքեց», – ըսաւ ֆիլմի բեմադրիչ Կարին Յովհաննիսեան, աւելցնելով, «Այժմ ժամանակն է այս պատմութեան խորհուրդն ու ոգին աշխարհով մէկ տարածելու»:
Ֆիլմի գործադիր արտադրողներն են՝ Սերժ Թանգեանը, Ջոյ Պերլինճըր, Տէն Պրաուն, Րաֆֆի Յովհաննիսեան, Սուրէն Ամբարչեան եւ Ալեն Պետրոսեան: Արտադրողներն են՝ Էրիկ Իսրայէլեանը («The Promise», «Intent to Destroy»), Տաթեւիկ Մանուկեանը եւ Ալէք Մուհիբեանը:
Ֆիլմի նորութիւններուն ծանօթանալու համար կարելի է բաժանորդագրուիլ iamnotalonefilm.com կայքէջին միջոցաւ եւ առաջինը տեղեկացուիլ տոմսերու վաճառքի մասին նորութիւններուն:
