Home ԳԼԽԱՒՈՐ ԼՈՒՐԵՐ Փաշինեան Բաւարարուած Չէ Քորուփցիայի Դէմ Պայքարի Արդիւնքներէն

Փաշինեան Բաւարարուած Չէ Քորուփցիայի Դէմ Պայքարի Արդիւնքներէն

by MassisPost

2018 թուականի Մայիսէն Հայաստանի մէջ յայտարարուած է քորուփցիայի դէմ անհաշտ պայքար, որ արժանացած է ոչ միայն հայաստանեան հանրութեան հաւանութեան, այլեւ միջազգային հանրութեան ուշադրութեան: Այս մասին յայտարարած է վարչապետ Նիկոլ Փաշինեանը քորուփցիայի դէմ պայքարի վերաբերեալ հրաւիրուած խորհրդակցութեան ժամանակ, որուն մասնակցած են իրաւապահ մարմիններու ղեկավարները:

«Այս ընթացքում, սակայն, մի քանի առիթներով յայտարարել եմ, որ չնայած քորուփցիայի դէմ պայքարի ծաւալներն աննախադէպ են, ես բաւարարուած չեմ դրա արդիւնքներով: Համոզուած եմ՝ դրա արդիւնքներով բաւարարուած չէ նաեւ հանրութիւնը», – ըսած էպետութեան ղեկավարը՝ ընդգծելով, որ տուեալ պարագային նկատի ունի «ոչ միայն եւ ոչ այնքան քորուփցիոն գործերով դատավճիռների կայացումը, որքան պետութիւնից ու ժողովրդից գողացուած միջոցների վերադարձը Հայաստանի պետական գանձարան»:

Հիմնաւորելով քորուփցիայի դէմ պայքարի ծաւալներու աննախադէպ ըլլալը՝ Փաշինեանը նշած է. – «Յատկանշական է այն վիճակագրութիւնը, որ հրապարակել է Յատուկ քննչական ծառայութիւնը: Ըստ այդմ, 2019 թուականի գործունէութեան ընթացքում քրէական գործերով վերականգնուած գումարը կազմել է 4 միլիառ 331 միլիոն դրամ, որը 7 անգամ աւելի է, քան Յատուկ քննչական ծառայութեան ողջ նախորդ ընթացքում ծառայութիւնում քննուած գործերով վերականգնուած գումարը՝ միասին վերցրած: Նոյն կամ մօտաւորապէս նոյն իրավիճակն է նաեւ այլ իրաւապահ մարմիններում: Ազգային անվտանգութեան ծառայութեան 2019 թուականի վերականգնուած գումարը 2017 թուականի համեմատ աւելի է, ուշադրութիւն դարձրէք, 1371 տոկոսով: Քննչական կոմիտէում 2019 թուականի վերականգնումները 2017 թուականի համեմատ աւելի են 462 տոկոսով: Ոստիկանութիւնում 2019 թուականի վերականգնումները 2017 թուականի համեմատ աւելի են, թուին ուշադրութիւն դարձրէք, 10767 տոկոսով: Այս վիճակագրութիւնը եւ տոկոսային աճն, իհարկէ, տպաւորիչ են: Բայց եթէ այս տոկոսները վեր ենք ածում բացարձակ թուերի, պիտի արձանագրենք, որ 2018 թուականի ոչ բռնի, թաւշեայ, ժողովրդական յեղափոխութիւնից յետոյմենք, ամենալաւատեսական հաշուարկով, քորուփցիոն գործերով վերականգնել ենք 150 միլիոն տոլարի վնաս, ներառեալ նաեւ Պետական եկամուտների կոմիտէի քննչական վարչութիւնում քննուող վարոյթների շրջանակում տեղի ունեցած վերականգնումները»:

«Եթէ Պետեկամուտների կոմիտէի կողմից իրականացուած վերականգնումները հանենք հաշուարկից, մեր այս թուաբանութիւնը կիսով չափ կը կրճատուի: Ինչո՞ւ եմ առանձնացնում Պետեկամուտների կոմիտէի հատուածը, որովհետեւ այստեղ շատ դժուար է տարանջատել չկատարուած, ապա վերականգնուած զուտ հարկային պարտաւորութիւնների հատուածը մաքուր քորուփցիոն եկամուտների հաշուարկից: Ահա, ուրեմն, եթէհիմնուենք միայն Յատուկ քննչական ծառայութեան, Քննչական կոմիտէի, Ազգային անվտանգութեան ծառայութեան եւ Ոստիկանութեան կողմից վերականգնումների վիճակագրութեան վրայ, կարո՞ղ ենք արդեօք պնդել, թէ 1.5 տարուայընթացքում 70, 80 միլիոն տոլարի վերականգնումները համամասնօրէն արտայայտում են այն վնասը, որը Հայաստանի Հանրապետութիւնը վերջին 30 տարիների ընթացքում կրել է քորուփցիոն յանցագործութիւնների հետեւանքով: Իմ պատասխանը միանշանակ է՝ ո՛չ, կրկին ու կրկին՝ ո՛չ», – շեշտած է վարչապետը։

«Ժամանակն անցնում է, եւ մեր իրաւապահ համակարգի դանդաղկոտութիւնը քորուփցիոներների մի մասին հնարաւորութիւն է տալիս փախչել Հայաստանից, միւս մասի համար յանցանշանները եւ ապացոյցները թաքցնելու, քօղարկելու պատուհան է բացում», – ըսած է Փաշինեանը եւշարունակած. – «Կան աւելի աղաղակող իրավիճակներ, երբ քորուփցիոն գործարքների մէջ ներքաշուած ընկերութիւններ կամ քորուփցիոն ճանապարհով ձեռք բերուած գոյքեր ակնյայտօրէն պատկանում են այս կամ այն նախկին կամ ներկայբարձրաստիճան պաշտօնեաների, բայց մեր իրաւապահ մարմիններն այդ կապերն ապացուցող փաստեր չեն գտնում: Սա կատարելապէս վարկաբեկում է մեր իրաւապահ մարմինների համակարգը եւքորուփցիայի դէմ պայքարն ընդհանրապէս: Սրան գումարւում է այն փաստը, որ մի շարք գործերով առանցքային վկաներ, նոյնիսկ կասկածեալներ ու մեղադրեալներ, լքել են հանրապետութեան տարածքը, ինչի արդիւնքում այդ գործերով քննութիւնը մտել է փակուղի, կամ այդ ճանապարհին է, կամ նման սպառնալիքի առաջ է կանգնած»:

«Ես չեմ թաքցնի իմ գնահատականը եւ յստակ կ’ասեմ, որ նման իրավիճակի առանցքային պատճառներից մէկն այն է, որ իրաւապահ համակարգի ամենավերին օղակներում եղել են բառիս բուն իմաստով դաւաճաններ, որոնք քորուփցիայի դէմ յայտարարուած պայքարի ծխածածկոյթի տակ առաջնորդուել են այլ հաշուարկներով եւ այլ յանձնարարութիւններով: Բայց հարցս հետեւեալն է. արդեօք կարո՞ղ ենք երաշխաւորել, որ հենց այսօր իրաւապահ համակարգը լիարժէք եւ լիաթոք՝ սկսած քննչական գործողութիւններից, շարունակած հետախուզական գործողութիւններով, իրականացնում է իր գործառոյթները քորուփցիայի դէմ պայքարում: Ցաւօք, չեմ կարող վստահաբար դրան դրական պատասխան տալ», – յայտարարած էՀայաստանի ղեկավարը։

«Այո՛, զուտ տոկոսային վիճակագրութեամբ մենք այստեղ ունենք աննախադէպ ծաւալներ եւ ձեռքբերումներ: Բայց աննախադէպ նշանակում է մինչեւ այժմ ոչ մի անգամ չգրանցուած, ոչ մի անգամ տեղի չունեցած: Եւ այստեղ պէտք չէ սեթեւեթել եւ պէտք է յստակ ասել, որ Հայաստանում երբեք, կրկնում եմ՝ երբեք, քորուփցիայի դէմ իրական պայքար չի տարուել, եւուրեմն համեմատութիւնը ոչնչի հետ որեւէ կերպ չի կարող շահեկան եւ առարկայական համեմատութիւն համարուել: Հայաստանի Հանրապետութիւնը բարձրաստիճան պաշտօնեաների քորուփցիոն գործունէութեան արդիւնքում կրել է միլիառաւոր տոլարների վնասներ, եւ ես՝ որպէս Հայաստանի ղեկավար, ժողովրդից մանտաթ եմ ստացել նաեւ այդ միլիառները ետ բերելու խոստումների համար: Եւ ուրեմն, իմ ակնկալիքն է, որ իրաւապահ մարմինները՝ քննչական եւհետախուզական ողջ ներուժիներգրաւմամբ, իրականացնեն մեր ժողովրդի արդար ակնկալիքը», -ըսած էՆիկոլ Փաշինեանը։

Հարակից Նյութեր

Leave a Comment