Ատրպէյճանահայերու ասամպլէայի ղեկավար, ատրպէյճանագէտ Գրիգորի Այվազեանը մտահոգիչ կը համարէ Ղարաբաղի ատրպէյճանական համայնքի ներկայացուցիչներու հանդիպումները տարբեր կազմակերպութիւններու եւ դեսպաններու հետ:
Ինչպէս կը տեղեկացնէ «Արմենբրես»–ը, Փետրուար 18-ին լրագրողներու հետ զրոյցի ժամանակ Այվազեանը նշած է, որ վերջին շրջանին Ղարաբաղի ատրպէյճանական համայնքը աննախադէպ աշխուժացած է, ինչը չէ եղած մինչ այդ:
«Աւելի մտահոգիչ է ԵԱՀԿ գործող նախագահի անձնական ներկայացուցիչ դեսպան Անճէյ Քասփշիկի հետ վերջին հանդիպումը: Դա բոլորովին չի բխում միջնորդական առաքելութեան չէզոքութեան սկզբունքից»,- ըսած է Այվազեանը:
Այվազեանն ըսած է, թէ հաշուի առնելով, որ Ղարաբաղի ատրպէյճանական համայնքի թիկունքին կանգնած է Ատրպէյճանի իշխանութիւնը, ատրպէյճանահայութիւնը իրաւասու է նախ եւ առաջ ակնկալել ԵԱՀԿ համանախագահներէն չէզոքութեան պահպանում եւ համանման հանդիպումներու շարքի կազմակերպում նաեւ ատրպէյճանահայ վտարանդի համայնքի ներկայացուցիչներու հետ:
«Բացի այդ, ակնկալում ենք, որ Հայաստանի պետութիւնը կը մշակի Արցախի հիմնախնդրում ատրպէյճանահայութեան հարցով հայեցակարգ: Պետութեան օգնութեան ակնկալիքն ունենք այս պարագայում, որովհետեւ դժուար է պատկերացնել, որ Քասփշիկը մէկ օրում է որոշել Թուրալ Կանճալիեւի հետ հանդիպել, կամ էլ Կանճալիեւը պատահաբա՞ր է յայտնուել Միլլի Մեճլիսում (խորհրդարանում)՝ որպէս ընտրուած պատգամաւոր: Ի հարկէ, դրա թիկունքում պետութիւնն է կանգնած: Դրա համար ակնկալում ենք մեր պետութեան կողմից ատրպէյճանահայութեան հիմնախնդրի առաջքաշումը բանակցային սեղան»,- ընդգծած է Այվազեանը:
