Home ՀԱՅԱՍՏԱՆ Վարչապետը Հաստատած Է Սահմանադրական Բարեփոխումներու Յանձնաժողովի Կազմը

Վարչապետը Հաստատած Է Սահմանադրական Բարեփոխումներու Յանձնաժողովի Կազմը

by MassisPost

Վարչապետ Նիկոլ Փաշինեանը որոշում ստորագրած է սահմանադրական բարեփոխումներու մասնագիտական յանձնաժողովի ստեղծման, յանձնաժողովի կազմի հաստատման վերաբերեալ:

Ինչպէս կը յայտնէ կառավարութեան կայքէջը, մասնագիտական յանձնաժողովի կազմին մէջ ընդգրկուած են ՀՀ արդարադատութեան նախարար Ռուստամ Բադասեանը, Մարդու իրաւունքներու եւրոպական դատարանի (ՄԻԵԴ) մէջ ՀՀ ներկայացուցիչ Եղիշէ Կիրակոսեանը, Մարդու իրաւունքներու պաշտպան Արման Թաթոյեանը, ԱԺ պետական-իրաւական հարցերու մշտական յանձնաժողովի նախագահ Վլատիմիր Վարդանեանը,«Իմ քայլը» խմբակցութեան պատգամաւոր Վահագն Յովակիմեանը, «Բարգաւաճ Հայաստան» խմբակցութեան պատգամաւոր Գէորգ Պետրոսեանը, «Լուսաւոր Հայաստան» խմբակցութեան պատգամաւոր Տարօն Սիմոնեանը, Բարձրագոյն դատական խորհուրդի (ԲԴԽ) անդամ Վիգէն Քոչարեանը, իրաւաբան-գիտնականներ Անահիտ Մանասեանը, Արթուր Ղամբարեանը, Արմէն Մազմանեանը, Արսէն Թաւադեանը, Լեւոն Գէորգեանը, Տիգրան Մարկոսեանը, «Իրազեկ քաղաքացիներու միաւորում հասարակական կազմակերպութեան ներկայացուցիչ Դանիէլ Իոաննիսեանը եւ «Իրաւաբաններու հայկական ասոցիացիա» հասարակական կազմակերպութեան ներկայացուցիչ Կարէն Զադոյեանը:

Վարչապետի որոշմամբ հաստատուած է սահմանադրական բարեփոխումներու մասնագիտական յանձնաժողովի աշխատակարգը:

«Յանձնաժողովի գործունէութիւնն սկսելուց յետոյ եռամսեայ ժամկէտում մշակել սահմանադրական բարեփոխումների հայեցակարգը, ապահովել դրա հանրային քննարկումը եւ ներկայացնել Հայաստանի Հանրապետութեան վարչապետի աշխատակազմ, մինչեւ 2020 թուականի Սեպտեմբերի 1-ը մշակել եւ Հայաստանի Հանրապետութեան վարչապետի աշխատակազմ ներկայացնել Հայաստանի Հանրապետութեան Սահմանադրութեան փոփոխութիւնների նախագիծը», – ըսուած է որոշման մէջ:

Հարակից Նյութեր

Leave a Comment