Հայաստանի մշտական բնակչութեան թուաքանակը 1990 թուականէն մինչեւ 2019 թուականի տարեսկիզբ աստիճանաբար նուազած է:
Եթէ 1992 թուականի տարեսկիզբին Հայաստանի մշտական բնակչութեան թիւը կազմած է 3 միլիոն 633.3 հազար, ապա արդէն տարեվերջին այդ թիւը կազմած է 3 միլիոն 463.7 հազար: Այսինքն՝ միայն այդ տարին ՀՀ մշտական բնակչութեան թիւը նուազած է -169.6 հազարով: Սա 1990-2019 թուականներու միջակայքը տարեկան կտրուածքով նուազման ամենամեծ ցուցանիշը եղած է: 1993 թուականին մշտական բնակչութեան թիւը նուազած է -107.0 հազարով, իսկ 1994 թուականին՝ 96.4 հազարով:
Այս միտումը շարունակուած է նաեւ 1993-94 թուականներուն. այդ տարիներուն գաղթի բացասական մնացորդը, համապատասխանաբար, կազմած է -138.6 հազար եւ -122.9 հազար: Յետագայ տարիներուն եւս շարունակուած է մշտական բնակչութեան թիւի նուազումն ու գաղթը, բայց աւելի դանդաղ ընթացքով:
2016 թուականէն սկսեալ մշտական բնակչութեան թիւը 3 միլիոն-ի շեմէն իջած է: Եթէ 2010 թուականին մշտական բնակչութեան թիւը եղած է 3 միլիոն 055.2 հազար մարդ, 2015-ին՝ 3 միլիոն 010.6 հազար, ապա 2016 թուականին արդէն կազմած է 2 միլիոն 998.6 հազար մարդ:
