Դեկտեմբեր 17-ին, ԱՄՆ Պետական Գրասենեակը մեկնաբանելով Ծերակոյտին կողմէ Հայոց ցեղասպանութեան ճանաչումը, յայտնեց որ վարչակազմի տեսակէտը կը մնայ անփոփոխ:
Միացեալ Նահանգներու Պետական Քարտուղարութեան խօսնակ Մորկըն Օրթակուս հրապարակեց պաշտօնական կարճ յայտարարութիւն մը, որուն մէջ ըսուած է-. «Ամերիկեան վարչակազմի դիրքորոշումն անփոփոխ է: Մեր մօտեցումը արտացոլուած է այս տարուան Ապրիլին ԱՄՆ նախագահի կողմէ հնչած յայտարարութեան մէջ»:
Ապրիլ 24-ին` Հայոց ցեղասպանութեան հերթական տարելիցի առթիւ հրապարակուած ուղերձին մէջ նախագահ Տանոլտ Թրամփ 1915 թուականի իրադարձութիւնները անուանած էր «Մեծ եղեռն»` խուսափելով ցեղասպանութիւն բառի օգտագործումէն: