Ռուսաստանի Առաջին ալիքի թերեւս ամենահեղինակաւոր «Պոզներ» ծրագրի եթերին հեռուստահաղորդավար Վլատիմիր Պոզներն ու անոր հիւրըª Պետական դումայի ԱՊՀ հարցերով յանձնաժողովի առաջին տեղակալ Կոնստանթին Զաթուլինը, քննարկած են ղարաբաղեան հակամարտութիւնը:
Պոզները յիշեցուցած է, որ վերջերս Ղարաբաղ կատարած այցի պատճառով Զաթուլինին կոշտ քննադատած են Ատրպէյճանի մէջ: Ան հարցուցած է, թէ ռուսաստանցի պատգամաւորը ինչպէս կը տեսնէ խնդրի կարգաւորումը:
Կոնստանթին Զաթուլինը պատասխանած է, որ իր վերաբերմունքը Լեռնային Ղարաբաղի խնդրին վաղուց ձեւաւորուած է, ինքը խորապէս համոզուած է, որ այս հակամարտութիւնը հնարաւոր է լուծել:
Ըստ անոր, նոյնիսկ այն պահուն, երբ Խորհրդային Միութիւնը փլուզուած է, Ատրպէյճանի ճանաչումը նախկին սովետական սահմաններուն մէջ այնքան ալ տեղին չէր, քանի որ արդէն այդ պահուն՝ 1991-ին, երեք տարի հակամարտութիւն կ՛ընթանար, եւ Ատրպէյճանը լիովին չէր վերահսկեր Լեռնային Ղարաբաղի Ինքնավար Մարզի տարածքը:.
«Հետեւաբար, պէտք է ճանչցուի Լեռնային Ղարաբաղի ինքնորոշման եւ Ատրպէյճանէն անկախանալու իրաւունքը», – Պոզներին ըսած է Զաթուլինը:
