Երեւան ժամանած ԵԱՀԿ Մինսքի խումբի համանախագահներ Իկոր Փոփովը, Էնտրիւ Շոֆերը, Ստեֆան Վիսքոնթին եւ ԵԱՀԿ գործող նախագահի անձնական ներկայացուցիչ Անճէյ Քասփշիկը ընդունած է վարչապետ Նիկոլ Փաշինեանը:
Վարչապետը եւ համանախագահները քննարկած են Լեռնային Ղարաբաղի հիմնախնդրի խաղաղ կարգաւորման գործընթացին վերաբերող հարցեր: Կողմերու միջեւ վստահութեան ամրապնդման ծիրէն ներս ընդգծուած է հրադադարի ռեժիմի ամրապնդման ուղղութեամբ քայլերու ձեռնարկման կարեւորութիւնը:
Անդրադարձ եղած է ժողովուրդները խաղաղութեան նախապատրաստման անհրաժեշտութեան եւ անոր ուղղուած քայլերուն, ըսուած է Հայաստանի վարչապետի աշխատակազմի տեղեկատւութեան եւ հասարակայնութեան հետ կապերու վարչութեան հաղորդագրութեան մէջ:
Նախօրէին Մինսքի խումբի համանախագահները ընդունած է արտաքին գործոց նախարար Զոհրապ Մնացականեանը: