Վարչապետ Նիկոլ Փաշինեանի գլխաւորութեամբ տեղի ունեցած է Անվտանգութեան խորհուրդի հերթական նիստը:
Բանալով նիստը՝ վարչապետ Նիկոլ Փաշինեանը, մասնաւորապէս, նշած է.
«Այսօր տեղի է ունենում Անվտանգութեան խորհրդի հերթական նիստը:
Հայաստանի Հանրապետութեան շուրջ ձեւաւորուած անվտանգային միջավայրի կապակցութեամբ կարող ենք արձանագրել, որ իրադարձութիւնները եւ զարգացումները ընդհանուր առմամբ տեղի են ունենում մեր կանխատեսումների, մեր գնահատականների շրջանակում, ինչը նշանակում է, որ մենք, ըստ էութեան, օրինական ենք գնահատում իրավիճակը, անվտանգային միջավայրի զարգացումը, ինչը նաեւ իր հերթին նշանակում է, որ մեր նախապատրաստութիւնները, մեր աշխատանքները, կապուած Հայաստանի անվտանգային իրավիճակի բարելաւման եւ պետական կառոյցների աշխատանքի հետ, համարժէք են տեղի ունեցող իրադարձութիւններին, ինչը շատ կարեւոր է:
Կարող ենք արձանագրել, որ այս ընթացքում մենք Անվտանգութեան խորհրդի գործունէութեան շատ յստակ օրակարգ ենք ձեւաւորել, այդ օրակարգով շարժւում ենք առաջ, եւ այսօրուայ մեր քննարկման հարցերի շարքն էլ տեղաւորւում է այդ օրակարգի շրջանակում: Մենք յստակ արդիւնքներ ենք արձանագրում՝ Անվտանգութեան խորհրդի կողմից նախանշուած խնդիրների լուծման ուղղութեամբ եւ այսօր պէտք է ամփոփենք այսօրուայ վիճակով մեր ունեցած արդիւնքները եւ նախանշենք յառաջիկայ մեր անելիքները»:
