Մայր Աթոռ Սուրբ Էջմիածնի մէջ վերաբացուած է Վեհարանը` Ամենայն Հայոց կաթողիկոսներու նստավայրը, կը հաղորդէ Մայր Աթոռի տեղեկատուական համակարգը:
Վեհարանը 2010-2019 թուականներուն հիմնանորոգուած է գործարար եւ բարեգործ Սամուէլ Կարապետեանի եւ անոր ընտանիքի բարերարութեամբ։
Հայրապետանիստը կառուցուած է մէկ դար առաջ` Ալեքսանտր Մանթաշեանի մեկենասութեամբ։ Վեհարանի հիմնարկէքի արարողութիւնը կատարուած է 1910 թուականին Մատթէոս երկրորդ Ամենայն Հայոց կաթողիկոսի ձեռամբ։ Հիմնական շինարարական աշխատանքները աւարտած են 1914-ին՝ Գէորգ հինգերորդ Ամենայն Հայոց կաթողիկոսի գահակալութեան ժամանակ: