Հայաստանի անվտանգութեան խորհուրդի քարտուղար Արմէն Գրիգորեանի հրաւէրով աշխատանքային այցով Հայաստան ժամանած է Ռուսաստանի անվտանգութեան խորհուրդի քարտուղար Նիկոլայ Փաթրուշեւի գլխաւորած պատուիրակութիւնը, այս մասին կը տեղեկացնէ Հայաստանի անվտանգութեան խորհուրդի գրասենեակի պաշտօնական կայքէջը:
«Նախատեսուած են հանդիպումներ Հայաստանի Վարչապետ Նիկոլ Փաշինեանի եւ Անվտանգութեան խորհուրդի քարտուղար Արմէն Գրիգորեանի հետ: Այցի ընթացքին նախատեսուած են նաեւ ՀՀ եւ ՌԴ Անվտանգութեան խորհուրդի գրասենեակներու միջեւ աշխատանքային քննարկումներ» – ըսուած է հաղորդագրութեան մէջ:
