Պաշտօնական Պաքուն վճռականօրէն կը դատապարտէ Հայաստանի վարչապետ Նիկոլ Փաշինեանի Ստեփանակերտի մէջ ըրած յայտարարութիւնը, որ «Արցախը Հայաստան է եւ վերջ»: Այդ մասին ըսած է Ատրպէյճանի նախագահի աշխատակազմի արտաքին կապերու բաժնի պետ Հիքմեթ Հաճիեւը:
«Լեռնային Ղարաբաղը՝ Ատրպէյճան է: Այն մեր պատմական եւ անբաժանելի հողն է», – յայտարարած է Հաճիեւը:
Անոր խօսքով՝ նման «սադրիչ» կոչերով Հայաստանի ղեկավարութիւնը տարածաշրջանը կը դնէ լուրջ ճգնաժամի եզրին: «Թող ոչ մէկը կասկած ունենայ, որ Ատրպէյճանը պիտի վերականգնէ իր տարածքային ամբողջականութիւնը: Հետեւանքներու պատասխանատուութիւնը կ’իյնայ հայկական կողմի վրայ», – ըսած է Ատրպէյճանի նախագահի աշխատակազմի բարձրաստիճան պաշտօնեան: