Վարչապետ Նիկոլ Փաշինեանը Ստեփանակերտի մէջ հանդիպած է Համահայկական խաղերու համաշխարհային կոմիտէի անդամներու հետ։
«Շատ խորհրդանշական եմ համարում, որ Համահայկական ամառնային եօթներորդ խաղերը տեղի են ունենում Ստեփանակերտում, Արցախում։ Ես երէկ էլ ասացի, որ հենց Համահայկական խաղերի՝ Ստեփանակերտում անցկացումից ծագեց գաղափարը, որ խաղերը մեր համազգային խօսակցութեան շատ կարեւոր եւ լաւ հարթակ կարող են լինել։ Կարծում եմ՝ շատ օգտակար է, որ մենք իսկապէս կարողանանք համահայկականութեան գաղափարն աւելի ընդլայնել։ Այդ առումով, ի հարկէ, Համահայկական խաղերը շատ կարեւոր եւ բացառիկ նշանակութիւն ունեն», – ըստ վարչապետի պաշտօնական կայքէջի, իր խօսքին մէջ ըսած է Փաշինեանը՝ շարունակելով․ – «Երբ մենք դեռեւս անցեալ տարեվերջին քննարկում էինք Համահայկական ամառնային եօթներորդ խաղերը եւ անելիքները, գաղափարն այն էր, որ մենք պէտք է Համահայկական խաղերը հնարաւորինս զարգացնենք եւ բոլոր առումներով լրջացնենք՝ ե՜ւ մարզական, ե՜ւ համահայկական կեանքի կազմակերպման, ե՜ւ մշակութային առումով։ Շատ ուրախ եմ, որ այդ ուղղութեամբ գնում ենք եւ իսկապէս յաջողութիւն եմ մաղթում Համահայկական խաղերին։ Մանաւանդ ընդհանրապէս այս նոր իրավիճակի բերումով խաղերն առանձնայատուկ նշանակութիւն են ստանում, եւ յոյս ունեմ, որ մենք իսկապէս բոլորով կը կարողանանք աշխատել»։
Վարչապետը ընդգծած է՝ Համահայկական խաղերը պէտք է դառնան լաւ հարթակ՝ հայ ազգի տաղանդաւոր մարզիկները յայտնաբերելու եւ անոնց Հայաստանի հաւաքական խումբերուն մէջ ընդգրկելու հնարաւորութիւնները դիտարկելու համար, որպէսզի Հայաստանի մարզական փառքը հնարաւորինս մեծնայ, «որովհետեւ համոզուած եմ, որ ամբողջ աշխարհում կան այդ ռեսուրսները»։
Փոխվարչապետ Տիգրան Աւինեանը, ներկայացնելով Համահայկական ամառնային եօթներորդ խաղերու կազմակերպչական աշխատանքները, տեղեկացուցած է, որ խաղերուն կը մասնակցի 35 պետութիւն, 161 քաղաք։
Ընդհանուր առմամբ մարզական պատուիրակներու՝ մարզական պատուիրակութիւններու կազմին մէջ ընդգրկուած մարզիկներու, մարզիչներու, միութիւններու ներկայացուցիչներու, մրցավարներու թիւը կը հասնի մօտ 5300-ի։
Ամենամեծ թիւով պատուիրակութիւնը Ռուսաստանի Դաշնութենէն է, որ կը ներառէ 14 քաղաք՝ 368 մարզիկներով։
Աւինեանի խօսքով՝ այս տարի կը մասնակցի 3 նոր պետութիւն՝ Արաբական Միացեալ Էմիրութիւններ, Իրաք եւ Չեխիա։ Ամերիկայի Միացեալ Նահանգները Համահայկական ամառնային եօթներորդ խաղերուն, ի համեմատութիւն նախորդ խաղերու, թիւով ամենամեծ պատուիրակութիւնը ուղարկած է՝ 318 ներկայացուցիչ ԱՄՆ 11 քաղաքէն։ Եւրոպական երկիրներէն ամենամեծ թիւով պատուիրակները Ֆրանսայէն են՝ 178 մարզիկ 6 քաղաքէ։ Աւստրալիայէն ժամանած են Համահայկական նախորդ տարիներու խաղերու համեմատ ամենամեծ թիւով պատուիրակները՝ 86 մասնակից։
Համահայկական խաղերու համաշխարհային կոմիտէի նախագահ Իշխան Զաքարեանը նշած է, որ ընդհանուր առմամբ Համահայկական ամառնային եօթներորդ խաղերու ծրագրին մէջ ընդգրկուած է 17 մարզաձեւ, 5 մարզաձեւի մրցաշար տեղի պիտի ունենայ Արցախի մէջ, 12-ը՝ Երեւանի։
