Եւրոպայի Ապահովութեան եւ Համագործակցութեան Կազմակերպութիւնը (ԵԱՀԿ) կոչ ըրած է թրքական կառավարութեան գտնելու եւ պատասխանատուութեան ենթարկելու բոլոր անոնք, որոնք 2007 թուականին կազմակերպած են «Ակօս» թերթի խմբագիր Հրանդ Տինքի, սպանութիւնը:
Այս կոչը հրապարակուած է Յուլիս 19-ին, օր մը առաջ սպանութեան մէջ մեղադրուող եօթը ամբաստանեալներու դէմ դատարանի արձակած երկարատեւ բանտարկութեան վճիռներէն ետք: ԵԱՀԿ ողջունած է դատարանի որոշումը, սակայն յայտնած է որ աւելին պէտք է ընել յայտնաբերելու համար բոլոր մեղսակիցները:
«12 տարի ետք, Հրանդ Տինքի հարազատները եւ ընկերները արժանի են իմանալու բոլոր ճշմարտութիւնը»,- ըսուած է ԵԱՀԿ-ի յայտարարութեան մէջ: