Հայաստանի պետական հետաքրքրութիւններու ֆոնտը (ANIF, ԱՆԻՖ) կը յայտարարէ Ֆրանսայի նախկին վարչապետ Տոմինիք տը Վիլփէն տնօրէններու խորհուրդի անդամ նշանակելու մասին: Որոշումը ուժի մէջ մտած է Յուլիս 23-ին:
«Փոխվարչապետ Տիգրան Աւինեանի նախագահութեամբ գործող ԱՆԻՖ-ի տնօրէնների խորհուրդը նախատեսում է համաշխարհային մակարդակի ներկայացուցչութիւն, եւ այս ծիրից ներս Ֆրանսայի նախկին վարչապետ Տոմինիք տը Վիլփէնի ներգրաւումը սահմանում է մասնակցութեան չափազանց բարձր մակարդակ: 2003 թուականին ՄԱԿ-ի Գլխաւոր ասամպլէայի մէջ ունեցած իր ելոյթով տը Վիլփէնը կոչ է արել համաշխարհային առաջնորդներին առաջիկայ աշխարհաքաղաքական զարգացումներում դրսեւորել զսպուածութեան ու դիւանագիտական մօտեցում եւ ընդմիշտ իր տեղն է զբաղեցրել համաշխարհային քաղաքագիտութեան դասագրքերում», – ըսած է ԱՆԻՖ գործադիր տնօրէն Դաւիթ Փափազեանը՝ աւելցնելով. – «Մեծ պատիւ է ընդունել պարոն տը Վիլփէնին որպէս ԱՆԻՖ-ի գործընկեր եւ Հայաստանի բարեկամ: ԱՆԻՖ-ը յատկապէս շնորհակալ է ՀՀ նախագահ պարոն Արմէն Սարգսեանին՝ պարոն տը Վիլփէնին մեզ ներկայացնելու համար»:
Ֆոնտի հաղորդագրութեան համաձայն՝ Տոմինիք տը Վիլփէնը, իր հերթին, ըսած է. – «ԱՆԻՖ-ի խումբին միանալը սկիզբ է նոր ու հետաքրքիր ճամբորդութեան մը: Ինչպէս Ֆրանսան, Հայաստանը նոյնպէս վերջերս անցաւ քաղաքական դաշտի էական երիտասարդացման փուլ մը, եւ անոր վկայութիւնն է այն, որ ԱՆԻՖ գործադիր տնօրէն պարոն Փափազեանը 37 տարեկան է, իսկ խորհուրդի նախագահ, փոխվարչապետ պարոն Աւինեանը՝ 30 տարեկան»:
«Հայաստանը ներկայիս Եւրոպայի ամենաարագ ՀՆԱ աճի ընթացք ունեցող երկիրն է 2019-ի առաջին եռամսեակին 7,1 տոկոսով, եւ ԱՆԻՖ-ը մեծ ապագայ եւ միեւնոյն ժամանակ մեծ պատասխանատւութիւն ունի այդ աճին իր ներդրումն ունենալու հարցով: Շնորհակալ եմ ԱՆԻՖ-ի արդիւնաւէտ գործունէութեան մասնակցելու հնարաւորութիւն ընձեռելու համար՝ ի շահ Հայաստանի Հանրապետութեան», – յայտարարած է Ֆրանսայի նախկին վարչապետը:
