Ղարաբաղեան հակամարտութիւնը կրնայ կարգաւորուիլ միայն քաղաքական ճանապարհով եւ միջազգային իրաւունքի եւ սկզբունքներու համաձայն: Այս մասին յայտարարած է Եւրոխորհուրդի նախագահ Տանըլտ Թուսքը Պաքուի մէջ Ատրպէյճանի նախագահ Իլհամ Ալիեւի հետ հանդիպումէն ետք, կը հաղորդէ «Ինթըրֆաքս Ատրպէյճան»-ը:
«ԵՄ-ն կ’աջակցի Ատրպէյճանի ինքնիշխանութեան, անկախութեան եւ տարածքային ամբողջականութեան: Խօսեր ենք տարածաշրջանին մէջ կայունութեան մասին, քննարկեր ենք չլուծուած ղարաբաղեան հակամարտութիւնը: Ռազմական լուծում չկայ, կայ միայն քաղաքական լուծում՝ միջազգային իրաւունքի եւ սկզբունքներու համաձայն: ԵՄ-ն կը շարունակէ լիովին աջակցիլ Մինսքի խումբի համանախագահներու՝ արդար եւ երկարատեւ կարգաւորմանն ուղղուած ջանքերուն՝ հիմնուած Հելսինքեան եզրափակիչ սկզբունքներու վրայ»,- ըսած է Թուսքը:
«Սակայն ինչպէս համանախագահները, այնպէս ալ մենք մտահոգուած ենք շփման գիծին վերջին զոհերու կապակցութեամբ: Կարեւոր են զսպուածութիւնը, խաղաղութեանն ու արդիւնաւէտ բանակցութիւններուն նպաստող մթնոլորտի վերականգնումը: ԵՄ-ն կ’աջակցի խաղաղութեան պահպանմանն ուղղուած գործունէութեան եւ պատրաստ է նպաստելու բնակչութեան խաղաղութեան նախապատրաստելուն ուղղուած միջոցներուն»,- աւելցուցած է ան: