Վերաքննիչ քրէական դատարանը մերժեց Ազգային Ժողովի նախկին պատգամաւոր Մանուէլ Գրիգորեանի խափանման միջոցը փոխելու վերաբերեալ պաշտպաններու բողոքը եւ գրաւով ազատ արձակելու միջնորդութիւնը: Գրիգորեանն դատարան չէր եկած. ան հիւանդանոցն է:
Գրիգորեանի պաշտպանները կը շարունակեն պնդել՝ իրենց պաշտպանեալի կալանքը անհամատեղելի է հիւանդութիւններու հետ: Որոշման հրապարակումէն ետք պաշտպաններէն Լեւոն Պաղտասարեանը յայտարարեց՝ իրենց համար անակնկալ չէր դատարանի որոշումը:
«Ի՞նչ կարելի է սպասել դատական իշխանութիւնից, որը ամբողջովին ընկած է կեղտի եւ կաշառակերութեան մէջ», – նշած է Պաղտասարեանը:
Երեւանի առաջին ատեանի դատարանին մէջ ալ յետաձգուեցաւ Մանուէլ Գրիգորեանի եւ անոր կնոջ՝ Նազիկ Ամիրեանի բուն գործով նիստը: Գրիգորեանը չէր եկած դատարան, պատճառաբանութեամբ՝ ի վիճակի չէ: Մեղադրող դատախազները միջնորդութիւն ներկայացուցին Մանուէլ Գրիգորեանը 2-րդ անգամ միջգերատեսչական յանձնաժողովային դատաբժշկական փորձաքննութեան ենթարկելու համար: Մեղադրող դատախազ Վահէ Դոլմազեանը ըսաւ՝ փորձաքննութիւնը կը բխի նաեւ Գրիգորեանի շահերէն:
