Home ԳԼԽԱՒՈՐ ԼՈՒՐԵՐ «Մեր Ամենակարեւոր Խնդիրը Հայաստանը Մրցունակ Պետութիւն Դարձնելն է». Նիկոլ Փաշինեան

«Մեր Ամենակարեւոր Խնդիրը Հայաստանը Մրցունակ Պետութիւն Դարձնելն է». Նիկոլ Փաշինեան

by MassisPost

«Մեր ամենակարեւոր խնդիրը Հայաստանը մրցունակ պետութիւն դարձնելն է՝ թէ՛ տնտեսական, թէ՛ քաղաքական եւ թէ՛ անվտանգային առումով», – Ս. Փեթերզպուրկի մէջ ըսած է վարչապետ Նիկոլ Փաշինեանը՝ Ռուսաստանի մէջ Հայաստանի դեսպանութեան կողմէ հրաւիրուած պաշտօնական ընդունելութեան ժամանակ, որուն մասնակցած են տեղի հայ համայնքի բազմաթիւ ազդեցիկ ներկայացուցիչներ, մշակութային, հասարակական գործիչներ եւ գործարարներ:

Եւրասիական տնտեսական միութեան տարածքին Հայաստանը ամենամեծ տնտեսական աճի ցուցանիշը ունի, ըսած է վարչապետը՝ նշելով՝ առաջին եռամսեակի տուեալներով Հայաստանը 7,1 տոկոս համախառն ներքին արդիւնքի աճ ունի։

«Ապրիլ ամսուայ ընթացքում տնտեսական աշխոյժութեան ցուցանիշը կազմել է 9,2 տոկոս։ Ի հարկէ սա չի նշանակում, որ տնտեսապէս ամէն ինչ լաւ է, ամէն ինչ փայլուն է, բայց սա նշանակում է, որ այն գաղափարը, որ մենք դրել ենք պետութեան զարգացման հիմքում, էդ գաղափարը սկսել է աշխատել», – ըսած է գործադիրի ղեկավարը՝ շարունակելով. – «Ո՞րն է այդ գաղափարը՝ որ Հայաստանում պէտք է ձեւաւորուի տնտեսական գործունէութեան ազատ դաշտ. իւրաքանչիւր հայ, ով ուզում է Հայաստանը շենացնելու, հարստանալու եւ հարստացնելու գործում ներդրում ունենալ, այդ հնարաւորութիւնը պէտք է ստանայ, եւ այդ հնարաւորութիւններն արդէն Հայաստանի Հանրապետութիւնում ի հարկէ կան»։

Վարչապետը ընդգծած է՝ Հայաստանին այլեւս հետաքրքիր չեն հեշտ լուծելի խնդիրները,  տնտեսական  նախնական  առաջադրանքները։

«Աշխարհագրական առումով, տարբեր առումներով՝ ե՛ւ շուկայի ծաւալի առումով,  ի հարկէ, Հայաստանում պատմականօրէն պայմանները փայլուն եւ անթերի չեն, բայց սա, կարծում եմ, առաւել հետաքրքիր է դարձնում Հայաստանում տնտեսական գործունէութիւն ծաւալելը, որովհետեւ ընդհանրապէս մեր մտածողութեան մէջ, կարծում եմ նաեւ յեղափոխութիւնից յետոյ եւ յեղափոխութեան ընթացքում ի՞նչը փոխուեց, փոխուեց հետեւեալը՝ մեզ այլեւս հետաքրքիր չեն հեշտ լուծելի խնդիրները, տնտեսական  հարցերը: Մենք մեր առաջ աւելի լուրջ խնդիրներ պէտք է դնենք, եւ այդ խնդիրներից կարեւորագոյնը Հայաստանը թեխնոլոկիապէս զարգացած երկիր դարձնելն է, Հայաստանը մի երկիր դարձնելն է, ով լուծում է խնդիրներ, որոնք համընդհանուր գնահատմամբ անհնարին են», -ըսած է վարչապետը։

Հարակից Նյութեր

Leave a Comment