ՀՀ Արտաքին գործոց նախարարութեան խօսնակ Աննա Նաղտալեանի թուիթըրեան էջէն կը տեղեկանանք, որ ՀՀ արտաքին գործոց նախարար Զոհրապ Մնացականեանը հանդիպած է Յունաստանի արտաքին գործոց նախարար Կիորկոս Քաթրուկալոս եւ Կիպրոսի արտաքին գործոց նախարար Նիքոս Խրիսթոտուլիտեսի հետ:
Ըստ Նաղտալեանի սա առաջին եռակողմ հանդիպումն է գերատեսչութիւններու ղեկավարներուն միջեւ:
«Առաջին եռակողմ հանդիպումն արտաքին գործոց նախարարների միջեւ: Հայաստանից՝ Զոհրապ Մնացականեանը, Յունաստանից՝ Կիորկոս Քաթրուկալոսը եւ Կիպրոսից՝ Նիքոս Խրիսթոտուլիտեսը սկսել են հետաքրքիր օրակարգ: Մնացականեանը համոզմունք է յայտնել, որ յագեցած բովանդակութիւն կը տրուի այս եռակողմ ձեւաչափին»,- գրած է իր թուիթըրեան էջին արտաքին գործոց նախարարութեան խօսնակը:
