47 պատգամաւորի խնդրանքով խորհրդարանը ստեղծած է խորհրդարանական յանձնաժողով, որ պիտի զբաղուի 2016 թուականի ապրիլեան իրադարձութիւններու հետաքննութեամբ։ Այս մասին 31 Մայիսին Ազգային ժողովի նիստին ըսած է խորհրդարանի նախագահ Արարատ Միրզոյեանը։
Համաձայն սահմանադրական օրէնքի, այս յանձնաժողովի լիազօրութիւնները պիտի իրականացնէ խորհրդարանի պաշտպանութեան եւ անվտանգութեան մշտական յանձնաժողովը։ Նշենք, որ այդ յանձնաժողովի նախագահն է Հայաստանի պաշտպանութեան նախկին փոխնախարար, «Իմ քայլը» դաշինքի պատգամաւոր Անդրանիկ Քոչարեանը։