Թուրքիոյ խորհրդարանի հայ պատգամաւոր Կարօ Փայլանը հանդիպած է պոլսահայ 13-ամեայ հայ տղա՝ Արթուրի հետ, որ դարձած էր թուրք հաղորդավար, աստուածաբան Նիհաթ Հաթիփօղլուի հաղորդման «զոհը»: Այս մասին կը գրէ «Էրմէնի հապերը»:
Հաթիփօղլուն հայ տղուն համոզած էր ուղիղ եթերի ընթացքին իսլամ ընդունիլ: Տղան նաեւ անուանափոխ եղած էր եւ ընդունած թրքական «Նիհաթ» անունը: «Իսլամի ընդունումը» տեղի ունեցած էր թուրք յայտնի աստուածաբան Նիհաթ Հաթիփօղլուիª քարոզչական բնոյթի հաղորդման ժամանակ:
Փայլանը հայ տղուն հետ հանդիպումէն լուսանկար հրապարակած է իր ֆէյսպուքեան էջին, որուն կից կատարած է գրառում:
«Հանդիպեցայ Արթուրին: Ան լաւ է: Միշտ իր քով պիտի ըլլամ: Զինք հնարաւորինս պիտի պաշտպանեմ չարութեանց դէմ»,- գրած է Փայլան:
Կը նշուի, որ Արթուրի մայրը նախապէս պարզաբանած էր, որ Արթուրը կնքուած է եւ կը յաճախէ հայկական եկեղեցի:
