Հայաստանի ռազմական ծախսերը 2018 թուականին աճած են 33 տոկոսով՝ հասնելով 609 միլիոն տոլարի, կը հաղորդէ Սթոքհոլմի մէջ գործող Միջազգային խաղաղութեան հետազօտութիւններու հիմնարկը (SIPRI):
Հիմնարկի տուեալներով՝ տոկոսային յարաբերակցութեամբ ռազմական ծախսերու ամենամեծ աճ արձանագրած երկիրներու շարքին են նաեւ Պոսնիա-Հերցեկովինան՝ 26 տոկոս, Պուլկարիան՝ 23 տոկոս, Ուքրանիան՝ 21 տոկոս, Ռումանիան՝ 18 տոկոս եւ Ղազախստանը՝ 16 տոկոս:
Ուքրանիայի եւ Կեդրոնական ու Արեւելեան Եւրոպայի այլ երկիրներու մէջ ռազմական ծախսերը կտրուկ աճած են՝ որպէս արձագանգ Ռուսաստանէն ենթադրեալ սպառնալիքներուն, նշած է SIPRI-ն: Ուքրանիոյ ռազմական ծախսերը, մասնաւորապէս, անցեալ տարի հասած են 4,8 միլիառ տոլարի։
