Home ԳԼԽԱՒՈՐ ԼՈՒՐԵՐ Էրտողան Շարունակեց Թուրքիոյ ժխտողական Քաղաքականութիւնը

Էրտողան Շարունակեց Թուրքիոյ ժխտողական Քաղաքականութիւնը

by MassisPost

Հայոց ցեղասպանութեան 104-րդ տարելիցին Թուրքիոյ նախագահ Ռեճէպ Թայպ Էրտողան հերթական անգամ ի ցոյց ողջ աշխարհին առաջ տարաւ թրքական պատմագիտական-դիւանագիտական սուտը ու հերքեց հայերու դէմ իրականացուած ոճրագործութիւնը:

Ինչպէս կը հաղորդէ «Արմէնբփրես»-ը, թրքական արխիւներուն նուիրուած գիտաժողովի ընթացքին, իր ելոյթին մէջ Էրտողան, անդրադառնալով Առաջին աշխարհամարտի տարիներուն կատարուածին, յայտարարած է, թէ հայերը կոտորած են իսլամ կիներն ու երեխաները, ու նման պայմաններու մէջ «հայ հրոսակներուն ու անոնց աջակիցներուն աքսորելը ամենատրամաբանական վարքագիծը եղած է»:

Չհեռանալով Հայոց Ցեղասպանութեան մասին ցուցաբերուող աւանդական թրքական ժխտողականութենէն՝ Էրտողան յայտարարած է, որ իրենց արխիւներուն մէջ կան մեծ թիւով փաստական տուեալներ, եւ այդ տուեալները նախ հետազօտողները պէտք է ուսումնասիրեն, եւ ատկէ ետք միայն քաղաքական գործիչները հանդէս գան յայտարարութիւններով:

Անդրադառնալով Ֆրանսայի կողմէ Հայոց Ցեղասպանութեան վերաբերեալ դիրքորոշման՝ Էրդողան ըսած է. «Բոլոր անոնց, որոնք հայկական հարցի շուրջ կը փորձեն մեզի մարդու իրաւունքներու վերաբերեալ դաս տալ, ամէն անգամ ստիպուած ենք յիշեցնել անոնց արիւնոտ անցեալը»:

Հարակից Նյութեր

Leave a Comment