ԱՄՆ Քոնկրեսի Ներկայացուցիչներու պալատի աւելի քան 70 անդամ միացած է քոնկրեսականներ Ատամ Շիֆի եւ Կուս Պիլիրաքիսի՝ Հայոց ցեղասպանութեան վերաբերեալ նոր բանաձեւ ներկայացնելու նախաձեռնութեան:
Նախագիծը միտուած է Հայոց ցեղասպանութեան հերքումը մերժելուն, ԱՄՆ կառավարութեան կողմէ Հայոց ցեղասպանութեան ճանաչմանն ու յիշատակման, Հայոց ցեղասպանութեան մասին իրազեկուածութեան բարձրացման կարեւորութեան նմանատիպ յանցագործութիւնները յետագային կանխելու առումով:
«Աւելի քան 100 տարի առաջ Օսմանեան Կայսրութիւնը հայ ժողովուրդի դէմ իրականացուցած է սպանութիւններու, բռնութիւններու ու տեղահանման դաժան արշաւ: 20-րդ դարու առաջին Ցեղասպանութիւնը խլած է 1,5 միլիոն մարդու կեանք: Ցեղասպանութիւնը անցեալի մասնիկ չէ, այլ միշտ գոյութիւն ունեցող սպառնալիք: Ցեղասպանութեան ժխտումը ոչ միայն կը շարունակէ վնաս հասցնել վերապրածներուն, այլ աւելի հաւանական կը դարձնէ անոր կրկնութիւնը այլ ժողովուրդներու նկատմամբ»,- ըսած է Ատամ Շիֆը՝ կարեւորելով Քոնկրեսի կողմէ պատմական փաստը ճանչնալու կարեւորութիւնը:
Կուս Պիլիրաքիսն ալ ընդգծած է, որ Հայոց ցեղասպանութեան ճանաչումը ԱՄՆ արտաքին քաղաքականութեան նոր ու համարձակ էջ պիտի դառնայ: Անոր խօսքով՝ ժամանակն է, որ ԱՄՆ դէմ հանդէս գայ Թուրքիոյ ժխտողական քաղաքականութեան:
