ԱՄՆ Քոնկրեսի 35 անդամներ միացած են հայկական հարցերով կոմիտէի համանախագահ Ֆրենք Փալոնէի նախաձեռնութեան եւ կոչ ըրած են աջակցելու 2020 տնտեսական տարուան Հայաստանի եւ Արցախի 100 միլիոն տոլար օգնութեան փաթեթին:
Աւելի վաղ Փալոնէն առաջարկած էր աջակցիլ Արցախին 6 միլիոն տոլարի օգնութեան փաթեթին՝ աւարտելու համար ականազերծման եւ հաշմանդամներու վերականգնման ծրագրերը, 4 միլիոն տոլար Ռոյսի եւ Էնկէլի առաջարկներու առաջմղման համար, 60 միլիոն տոլարի տնտեսական օգնութիւն Հայաստանին, 10 միլիոն տոլար ռազմական օգնութիւն եւ 20 միլիոն տոլար Հայաստանին՝ փախստականներուն օգնութիւն ցոյց տալու համար:
Քոնկրեսականները նաեւ կոչ ըրած են դադրեցնել Ատրպէյճանին ռազմական օգնութեան ցուցաբերումը: