Հիւսիսային պողոտայի հրապարակը այսուհետ կը կոչուի Եւրոպայի հրապարակ:
Անուանակոչման միջոցառումը նուիրուած էր Եւրոպայի խորհուրդի հիմնադրման 70-ամեակին: Մասնակիցներու շարքին էր Եւրոպայի խորհուրդի խորհրդարանական վեհաժողովի նախագահ Լիլիան Մորի Փասքիէն:
«Խորհրդանշական է, որ հրապարակի անուանակոչութեան միջոցառումը կը համընկնի Եւրոպայի խորհուրդի 70-ամեակի հետ, որու լիիրաւ անդամն է Հայաստանը», – ելոյթը այս խօսքերով սկսած է ԵԽԽՎ նախագահ Լիլիան Մորի Փասքիէն:
«Ես կրնամ բազմաթիւ օրինակներ բերել այն խոշոր նուաճումներու մասին, որոնք Եւրոպայի խորհուրդը արձանագրած է կեանքի բազմազան ոլորտներուն մէջ տասնամեակներու ընթացքին», – նշած է ԵԽԽՎ նախագահը՝ աւելցնելով, որ պէտք չէ սահմանափակուիլ այդ ձեռքբերումներով եւ կանգ առնել: – «Ինծի համար Եւրոպան, բացի աշխարհագրական տարածք ըլլալէ, միլիոնաւոր եւրոպացիներու բնակավայրն է, որոնք կը խօսին տարբեր լեզուներով, բայց անոնց կը միաւորեն նոյն արժէքները եւ անոնք կ’առաջնորդուին նոյն օրէնքներու դրոյթներով»:
Հրապարակի անուանակոչման հանդիսաւոր արարողութեան մասնակցած էին նաեւ Հայաստանի մէջ հաւատարմագրուած օտարերկրեայ դիւանագիտական առաքելութիւններու ղեկավարներ:
«Հայաստանում ժողովրդավարական հիմնարկների կայացման գործում էական դեր ունի Եւրոպայի խորհուրդը», – իր ելոյթին մէջ նշած է Ազգային ժողովի փոխնախագահ Ալեն Սիմոնեանը: – «Այսօր արդէն կարող ենք հաստատակամօրէն ասել, որ մենք յաջողել ենք: Սրա մասին է վկայում այս տարի առաջին տարեդարձը բոլորող թաւշեայ յեղափոխութիւնը, որը համազգային, բայց նաեւ համամարդկային ձեռքբերում է»:
«Եւրոպայի խորհուրդը աշխարհին տուեց երեք հիմնասիւների վրայ խարսխուած արժեհամակարգ՝ մարդու իրաւունքներ , ժողովրդավարութիւն եւ իրաւունքների գերակայութիւն: Համաեւրոպական արժէքների հիմքում մարդն է ու նրա արժանավայել ապրելու իրաւունքը», – ըսած է Սիմոնեանը՝ շարունակելովը. – «Հենց այս արժէքների հանդէպ նուիրուածութեան սկզբունքով եւ կարողութիւնների զարգացման ու ամրապնդման գաղափարով է Հայաստանը անկախութիւնից ի վեր կառուցել եւրոպական ուղղութեամբ իր յարաբերութիւններն ու համագործակցութիւնը»:
