Այս տարուան Փետրուարին Հայաստանի մէջ տնտեսական աշխոյժութեան ցուցանիշը կազմած է 7,6 տոկոս, մինչդեռ Յունուարին այն 6 տոկոս էր: Ըստ այդմ, այս տարուան 2 ամիսներու կտրուածքով 2018-ի Յունուար-Փետրուարի համեմատ տնտեսական աշխոյժութեան ցուցանիշը կազմած է 6,5 տոկոս:
ՀՀ ազգային վիճակագրական կոմիտէի տուեալներով, շինարարութեան ծաւալը այս տարուան Փետրուարին նախորդ տարուան նոյն ժամանակահատուածներու համեմատ աճած է 21,3 տոկոսով, իսկ Յունուար- Փետրուարին՝ 21,6 տոկոսով:
Արդիւնաբերական արտադրանքի ծաւալը 2019-ի Փետրուարին նախորդ տարուան Փետրուարի նկատմամբ աճած է 4,7 %-ով, իսկ առաջին երկու ամիսներու կտրուածքով՝ 1,9 %-ով: 19,3 տոկոսով Փետրուարին աճած է ծառայութիւններու ծաւալը (առանց առեւտուրի), իսկ առեւտուրի շրջանառութիւնը աճած է 8,3 տոկոսով:
Մինչդեռ, ելեկտրականութեան արտադրութիւնը կտրուկ նուազած է. այս տարուան Փետրուարին 2018-ի Փետրուարի նկատմամբ 14,5 %-ով, իսկ Յունուար-Փետրուարին՝ 21 %-ով:
2019-ի Փետրուարին նախորդ տարուան Փետրուարի համեմատ 1,9 % գնաճ գրանցուած է: Անոր զուգահեռ միջին ամսական անուանական աշխատավարձը Փետրուարին 2018-ի Փետրուարի նկատմամբ աճած է 5,3 %-ով, պետականը՝ 2,6, ոչ պետական՝ 5,4 %-ով:
Արտաքին առեւտրաշրջանառութիւնը Փետրուարին նախորդ տարուան նոյն ժամանակահատուածի համեմատ աճած է 31,3 %-ով՝ կազմելով 568,2 միլիոն տոլար կամ 277,4 միլիառ դրամ: Միայն վերջին մէկ ամսուան՝ 2019 -ի Յունուարի համեմատ Փետրուարին արտաքին առեւտրաշրջանառութիւնը աճած է 28 %:
Ներմուծման ծաւալները գրեթէ 2 անգամ կը գերազանցեն արտահանման ծաւալները: Արտահանման ծաւալը 2019-ի Փետրուարին կազմած է 192,6 միլիոն տոլար կամ 94,0 միլիառ դրամ, իսկ ներմուծումը՝ 375,6 միլիոն տոլար կամ 183,4 միլիառ դրամ:
Յատկանշական է, որ արտահանումը նուազած է 8,2 տոկոսվ, իսկ ներմուծումը՝ 2,5 տոկոսով:
