Home ԳԼԽԱՒՈՐ ԼՈՒՐԵՐ Չորս Հայեր Ֆորպսի 2019 Թուականի Միլիառատէրերու Ցուցակին Վրայ

Չորս Հայեր Ֆորպսի 2019 Թուականի Միլիառատէրերու Ցուցակին Վրայ

by MassisPost

Ֆորպս հանդէսը հրապարակած է 2019 թուականի միլիառատէրերու ցուցակը: Անցած տարուան ընթացքին միլիռատէրերու ցանկը համալրուած է 195 անունով, որոնք միասին 362 միլիառ տոլար կը տնօրինեն: Անոնցմէ 139-ը իրենք ստեղծած են իրենց կարողութիւնը, իսկ 56-ը ժառանգած են: Նորեկ միլիառատէրերու շարքին առաջատարը Չինաստանն է՝ 53:

Երկիր մոլորակի ամենահարուստ մարդը Ճեֆ Պեզոսն է: Ամազոն ընկերութեան ղեկավարի կարողութիւնը գնահատուած է 131 միլիառ տոլար: Մայքրոսոֆթի հիմնադիր Պիլ Կեյթսը երկրորդ հորիզոնականին  է 96,5 միլիառ տոլարով: Երրորդ տեղը զբաղեցուցած է ներդրող Ուորըն Պաֆէթը 82,5 միլիառ տոլարով:

Ցանկի ամենաերիտասարդ ներկայացուցիչը Քայլի Ճենէրն է՝ Քիմ Քարտաշեանի քոյրը: 21 տարեկանին անոր կարողութիւնը գերազանցած է 1 միլիառ տոլարի շեմը:

Ֆորպսի 2019 թուականի ցանկին մէջ ընդգրկուած 2153 հարուստներու շարքին 4 հայ միլիառատէր կայ: Անոնցմէ ամենամեծ կարողութիւնը ունի Սամուէլ Կարապետեանը: 3,7 միլիառ տոլարով ան 568-րդն է:

Սերկէյ Կալիցքին (Յարութիւնեան) 3,5 միլիառ տոլար ունի: Էտուարտօ Էռնեկեանը ունի 1,6 միլիառ տոլար, ոսկերիչ Քերոլին Ռաֆայէլեանը՝ 1 միլիառ:

Հարակից Նյութեր

Leave a Comment