ԱՄՆ-ի Միլուաքի քաղաքի յայտնի լուսանկարիչ, Հայոց ցեղասպանութենէն փրկուած Արթին Հայկը 104 տարեկանին մահացած է: «Արմէնբրես»-ի հաղորդմամբ՝ jsonline.com-ը տեղեկացուցած է, որ ան մահացած է իր տան մէջ:
Արթին իր աշխատանքային գործունէութեան ընթացքին լուսանկարած է բազմաթիւ նշանաւոր դէմքեր, գործիչներ, մասնաւորապէս, ԱՄՆ-ի նախագահ Ֆրանքլին Ռուզվելթը:
Արթին Հայկը 105 տարեկան պիտի դառնար Օգոստոսին:
Ան ունի չորս աղջիկ, ինը թոռնիկ, 17 ծոռնիկ եւ ծոռնուհի: