Հայաստանի մէջ 6-9 Հոկտեմբերին իրականացուելիք «Տեղեկատուական արհեստագիտութիւններու համաշխարհային համաժողով»-ին մասնակցութիւն պիտի ունենան Google-ի, Amazon-ի եւ Facebook-ի ղեկավարութիւնները: Ինչպէս կը հաղորդէ «Արմէնբրես»-ը՝ վկայակոչելով «Սփութնիք-Ղազախստանը», այս մասին յայտարարած է ՀՀ փոխվարչապետ Մհեր Գրիգորեանը, որ Ալմաթիի մէջ կը մասնակցի Եւրասիական միջկառավարական խորհուրդի նիստէն առաջ իրականացուող «Թուային օրակարգը համաշխարհայնացման դարաշրջանին. Եւրասիական նորարարական էքօհամակարգ» համաժողովին։
«Ուզում եմ բոլոր ցանկացողներին հրաւիրել այս լուրջ միջոցառմանը. Հոկտեմբերի 6-9-ը Երեւանում կը կայանայ «Տեղեկատուական թեխնոլոկիաների համաշխարհային համաժողովը»: Կը լինեն Google-ի, Amazon-ի եւ Facebook-ի եւ այլ ընկերութիւնների ղեկավարութիւններ: Հետաքրքիր հարթակ կը լինի մեր հերթական հանդիպման համար»,-ըսած է Գրիգորեանը:
Փոխվարչապետ Մհեր Գրիգորեանը Երեւան հրաւիրած է նաեւ Ալմաթիի մէջ «Թուային օրակարգը համաշխարհայնացման դարաշրջանին 2. Եւրասիական նորարարական էքօհամակարգ» համաժողովի մասնակիցները:
Երեւանի մէջ պիտի կառուցուի նաեւ «Ճարտարապետական քաղաք», որ պատրաստ պիտի ըլլայ 2020-ի Փետրուարին:
