Թուրքիոյ նախագահական պալատը միջնորդութիւն ներկայացուցած է երկրի խորհրդարան՝ 8 պատգամաւոր անձեռնմխելիութիւնը վերցնելու պահանջով:
«Էրմենիհապեր» կը տեղեկացնէ, որ խորհրդարանի սահմանադրական եւ արդարադատութեան խառն յանձնաժողովին ներկայացուած յիշեալ միջնորդութեան մէջ 8 պատգամաւորի անուանացանկին վրայ է նաեւ քրդամետ Ժողովուրդներու Դեմոկրատական Կուսակցութեան (HDP-ԺԴԿ) Տիարպեքիրէն ընտրուած հայ պատգամաւոր Կարօ Փայլանի անունը:
Մնացեալ 7 հոգիներէն 5-ը եւս նոյն կուսակցութեան անդամներ են: Ցուցակին վրայ զարմանալիօրէն յայտնուած է նաեւ Թուրքիոյ նախագահ Ռեջեփ Էրտողանի գլխաւորած իշխող «Արդարութիւն եւ Զարգացում» կուսակցութեան պատգամաւոր Ռըզա Փոսաջըն է: Իսկ 8-րդը Թուրքիոյ գլխաւոր ընդդիմադիր ուժ նկատուող «Ժողովրդահանրապետական» կուսակցութիւն (CHP-ԺՀԿ) պատգամաւոր Եուքսել Մանսուր Քըլըչն է: