«Իմ քայլը» դաշինքի նախընտրական քարոզարշաւի ընթացքին վարչապետի պաշտօնակատար Նիկոլ Փաշինեան խօսած է տնտեսութեան զարգացման իրենց ծրագիրներուն մասին: Բացի այդ ծրագիրերէն, խօսած է նաեւ ներքաղաքական հարցերու մասին, անդրադարձած է Հանրապետական պատգամաւոր Արամ Յարութիւնեանը անձեռնմխելիութենէ զրկելու Ազգային ժողովի նիստի տապալման, եւ այն մեկնաբանութիւններուն, թէ Արամ Յարութիւնեանը այս օրերուն կալանաւորելու եւ անձեռնմխելիութենէ զրկելու իշխանութեան քայլը պայմանաւորուած է նախընտրական քարոզարշաւով: Այս մասին, յատկապէս, խօսած էր Դաշնակցական պատգամաւոր, Դաշնակցութեան համամասնական ցուցակը գլխաւորող Արմէն Ռուստամեանը, այն որակելով որպէս նախընտրական քարոզչութեան շրջանակէն ներս բեմականացում:
Նիկոլ Փաշինեանը ըսած է, որ նախաքննութիւնը իր տրամաբանութիւնը ունի ու եթէ ապացոյց կը ձեռք կը բերուի, ապա պէտք է այն բնականոն հունով ընթացք ստանայ:
«Իմ քայլը» դաշինքի առաջնորդը խօսած է նաեւ Հայաստանի մէջ կաշառակերութիւնը արմատախիլ ընելու մասին: Ան ըսած է, որ նոր Հայաստանի մէջ «չինովնիկներ»ը եթէ համարձակին կաշառք վերցնել, ապա անոնք աւելի խիստ պիտի պատժուին քան նախկինները: Յայտարարեց, որ դատական համակարգի մէջ կաշառեալ դատաւորները շատ են եւ անոնք նոյնպէս, մէկ առ մէկ պատասխանատուութեան պիտի ենթարկուին:
«Հայաստանի դատական համակարգում շատ մեծ թիւ են կազմում կոռումպացուած, թալանչի դատաւորները եւ այդ դատաւորներին էլ հատ-հատ բերելու ենք պատասխանատուութեան: Այնքան տարի ապօրինի մարդկանց լցրել են բանտերը, բա «Մարտի 1»-ի գործով Եւրադատարանն արդէն վճիռներ է սկսել կայացնել՝ տասնեակ գործերով, էդ դատաւորներին թուում է, թէ իրենք մարսելու են: Որեւէ մէկը Հայաստանի Հանրապետութիւնում՝ ներկայ կը լինի, նախկին կը լինի, ապագայ կը լինի, ոչ մի չինովնիկ իր կերածը չի մարսելու, իր լափածը, գողացածը չի մարսելու», – ըսած է վարչապետի պաշտօնակատարը:
