Հայաստանի մէջ էյֆորիայի որոշակի սառեցում կը նկատուի: Այս մասին 26 Նոյեմբերին «Նախընտրական մարաթոնը Հայաստանի մէջ եւ հայ-ռուսական ռազմավարական համագործակցութեան արդի հիմնախնդիրները» թեմայով տեսակամուրջի ժամանակ ըսած է ռուս քաղաքագէտ Անտրէյ Արեշեւը:
Արեշեւը նկատած է, որ այդ մասին կը գրեն հայկական լրատուամիջոցները, որոնց դժուար է ընդդիմադիր համարել: Ան յիշեցուց Նիկոլ Փաշինեանի կողմնակիցներուն վերջին երթը.
«Ի տարբերութիւն նախորդ բուռն իրադարձութիւններին, երբ հարիւր հազարներ փողոց դուրս կու գային, այդքան շատ ժողովուրդ չէ հաւաքուած: Հիմա քանի մը հազար է: Տեղեկատուական քարոզչութիւնն ալ այդքան աշխոյժ եւ արդիւնաւէտ չէր»:
Խօսելով հայ-ռուսական յարաբերութիւններու մասին, Արեշեւը նկատած է, որ անոնք կրնան որոշակի վաքիումի (դատարկութեան) մէջ յայտնուիլ:
«Կրնանք բախիլ իրավիճակի հետ, երբ վարչապետը պէտք է կարգաւորէ իրավիճակը: Իսկ ինչ կը վերաբերի խումբին, այստեղ կրնանք որոշ խնդիրներու բախիլ: Ռուսական փորձագիտական հանրութիւնը կ’ըմռնէ այս խնդիրները», – կը կարծէ քաղաքագէտը: Այդ ծիրէն ներս ան նկատած է, որ Յունուար 1-էն Կովկաս նաւահանգիստով հաղորդակցութիւնը կը դադարի:
«Փաստացի կը ստացուի, որ Հայաստանը ոչ թէ 2, ինչպէս հիմա, այլ 4, եթէ ոչ փակ, ապա դժուարանցանելի սահմաններ ունի: Իրանական կողմի հետ կը հասկնանք, թէ ինչու: Վրացականին ալ: Ղարաբաղեան կարգաւորման եւ Պոլթընի այցի հետ կապուած ճնշման եւ այլ միջոցառումներու մասին յայտնի է: Եթէ փորձենք դէպքէ դեպք լուծել խնդիրները, կրնայ այնպէս ստացուիլ, որ հնարաւոր չըլլայ լուծել կամ դժուարութեամբ լուծուի», – ըսած է ան: