Home ԳԼԽԱՒՈՐ ԼՈՒՐԵՐ Խորհրդարանը Ընդունեց 2019-ի Պետական Պիւտճէի Նախագիծը

Խորհրդարանը Ընդունեց 2019-ի Պետական Պիւտճէի Նախագիծը

by MassisPost

Ձայներու 66 կողմ, 4 դէմ, 2 ձեռնպահ յարաբերակցութեամբ խորհրդարանը ընդունեց 2019-ի պետական պիւտճէի մասին օրէնքի նախագիծը:

Նախքան քուէարկութիւնը Ազգային ժողովի փոխնախագահ Էտուարտ Շարմազանովը յայտարարած է՝ թէեւ Հանրապետականը կողմ պիտի քուէարկէ նախագիծին, ինքը դէմ պիտի քուէարկէ, քանի որ այն, ըստ Շարմազանովի, յետընթաց ապահովող պիւտճէ է։

Հանրապետականներ՝ Ազգային ժողովի փոխնախագահ Արփինէ Յովհաննիսեանը եւ Արմէն Աշոտեանը նոյնպէս դէմ քուէարկած են, ինչպէս Աշոտեանը կատակած է, ինքը նոյնպէս կը միանայ «ֆլաշմոպին»:

Ազգային ժողովէն ներս պիւտճէի նախագիծի քննարկումը աւարտուած էր 21 նոյեմբերին։ Ֆինանսներու նախարարի պաշօնակատար Ատոմ Ճանճուղազեանի փոխանցմամբ, պատգամաւորներէն ստացած է 146 առաջարկ, ինչի հետեւանքով պիւտճէի նախագիծի ծախսային մասը աւելցած է 5.9 միլիառ դրամով եւ կազմած 1 թրիլիոն 648 միլիառ դրամ։

Եթէ Ազգային ժողովը չընդունէր պիւտճէի նախագիծը, ապա 2019 թուականի համար պիտի գործէին 2018 թուականի պիւտճէի համամասնութիւնները:

2019-ի նախագիծով պիւտճէի պակասորդը կը նախատեսուի 151.5 միլիառ դրամ, որմէ 54 միլիոն դրամը պիտի ֆինանսաւորուի ներքին աղբիւրներու հաշւոյն, մնացածը՝ արտաքին: Պետական պարտքի սպասարկման համար 2019-ին պիտի տրամադրուի 357 միլիառ դրամ։

Հարակից Նյութեր

Leave a Comment