Home ԳԼԽԱՒՈՐ ԼՈՒՐԵՐ Ծանրորդ Սիմոն Մարտիրոսեան Նուաճեց Աշխարհի Ախոյեանի Տիտղոսը

Ծանրորդ Սիմոն Մարտիրոսեան Նուաճեց Աշխարհի Ախոյեանի Տիտղոսը

by MassisPost

Ծանրամարտի Հայաստանի տղամարդոց խումբի անդամ, Ողիմպիական խաղերու արծաթէ մետալակիր Սիմոն Մարտիրոսեանը դարձած է աշխարհի ախոյեան:

«Արմէնբրես»-ի հաղորդմամբ` Թուրքմենստանի մէջ ընթացող աշխարհի առաջնութեան 109 քկ քաշային կարգին մէջ Մարտիրոսեանը պոկում վարժութեան մէջ գլխուն վրայ պահած է նախ 190 քկ, յետոյ 195 քկ եւ երրորդ մօտեցման, երբ Մարտիրոսեանը 197 բարձրացուցած է, որ ի դէպ աշխարհի ցուցանիշ էր, մրցավարները չհաշուեցին մօտեցումը: Այս ձեւին մէջ Մարտիրոսեանը նուաճած է փոքր արծաթէ մետալ:

Հրումի մէջ Մարտիրոսեանը մօտեցած է 230 քկ (աշխարհի ցուցանիշ) եւ բարձրացուցած այն: Այնուհետեւ երկրորդ մօտեցմամբ ան երկրորդ ցուցանիշը սահմանած է` 240 քկ: Երրորդ մօտեցման հայ ծանրորդը չէ եկած:

Երկամարտի 435 քկ արդիւնքով Սիմոն Մարտիրոսեանը 21 տարեկանին դարձաւ աշխարհի ախոյեան:

Սիմոն Մարտիրոսեանը 2016 թուականի 31-րդ ամառնային Ողիմպիական խաղերու արծաթէ մետալակիր է: Եւրոպայի 2017 թուականի ախոյեան է: Իսկ 2014 թուականին դարձած էր պատանեկան Ողիմպիական խաղերու յաղթող:

Հարակից Նյութեր

Leave a Comment