Այս տարուան 1 հոկտեմբերի դրութեամբ Հայաստանի մշտական բնակչութեան թուաքանակը կազմած է 2 միլիոն 969.2 հազար մարդ: Վիճակագրական կոմիտէի հրապարակած տեղեկատուութեան համաձայն՝ քաղաքային բնակչութեան թիւը եղած է 1 միլիոն 895.4 հազար, գիւղականը՝ 1 միլիոն 073.8 հազար մարդ: Երեւանի մշտական բնակչութեան թիւը կազմած է 1 միլիոն 079.4 հազար:
Պետական վիճակագրութիւնը կը փաստէ, որ Հայաստանի մշտական բնակչութեան թիւը վերջին ամիսներուն նուազման միտում դրսեւորած է: Այսպէս, 1 յուլիսի դրութեամբ մշտական բնակչութեան թիւը կազմած էր 2 միլիոն 969.8 հազար մարդ: Իսկ տարեսկիզբին՝ 1 յունուարի դրութեամբ մշտական բնակչութեան թիւը 2 միլիոն 972.7 հազար էր: