Home ԳԼԽԱՒՈՐ ԼՈՒՐԵՐ Պետական Կառավարման Տակ Առնել Էներգետիկ եւ Ռազմավարական Նշանակութեան Օբյեկտները

Պետական Կառավարման Տակ Առնել Էներգետիկ եւ Ռազմավարական Նշանակութեան Օբյեկտները

by MassisPost

Անկախութիւնից ի վեր Հայաստանը բռնեց վայրի կապիտալիզմի ուղին, ինչի արդիւնքում մինչ օրս մասնաւորեցուեցին, մաս առ մաս վաճառուեցին արդիւնաբերական, տնտեսական երբեմնի համամիութենական նշանակութեան խոշոր կառուցուածքները, ինչպէս նաեւ ռազմավարական եւ էներգետիկ կարեւորագոյն նշանակութեան օբյեկտները։

Արդիւնքում Հայաստանում տեղ գտաւ մեծ քանակութեամբ գործազրկութիւնը, անձերի կամ կազմակերպութիւնների կողմից տնտեսական մոնոպոլիան, հասարակութեան սոցիալական բեւեռացումը եւ պետութիւնը որպէս իր քաղաքացիների կեցութեան ապահովող, երաշխաւոր կորցրեց իր ազդեցութիւնն ու լծակները։

Ելնելով Հայաստանում վերջին շրջանում տեղի ունեցած փոփոխութիւններից Սոցիալ Դեմոկրատ Հնչակեան կուսակցութիւնը գտնում է, որ այժմ ստեղծուել են բաւարար պայմաններ աստիճանաբար պետականացնելու կամ պետական կառավարման տակ առնելու ազգային եւ պետական կարեւորութեան էներգետիկ եւ ռազմավարական օբյեկտները, ինչն ըստ մեզ անհրաժեշտութիւն է հանդիսանում պատերազմի վտանգով ապրող եւ անկանխատեսելի հարեւաններով շրջապատուած մեր հայրենիքի համար։

Մեր առաջարկն է ներառել վերը նշուած լուծումները գալիք կառավարութեան ծրագրում, այս քայլերը ոչ միայն թոյլ կը տան շտկել արդէն գոյացած իրավիճակը, այլեւ էականօրէն կնուազեցնեն նախկինում եղած կոռուպցիայի, մոնոպոլիայի, բեւեռացման ռիսկերը:

Սոցիալ Դեմոկրատ Հնչակեան Կուսակցութեան Հայաստանի Վարչութիւն

Հարակից Նյութեր

Leave a Comment