Home ԳԼԽԱՒՈՐ ԼՈՒՐԵՐ Փարիզի Մէջ Տեղի Ունեցաւ Շարլ Ազնաւուրի Հոգեհանգիստի Արարողութիւնը

Փարիզի Մէջ Տեղի Ունեցաւ Շարլ Ազնաւուրի Հոգեհանգիստի Արարողութիւնը

by MassisPost

Փարիզի հանրայայտ Հաշմանդամներու տուն յուշահամալիրին մէջ տեղի ունեցաւ աշխարհահռչակ Շարլ Ազնաւուրի հոգեհանգիստը:

Հաշմանդամներու տունը կը միաւորէ Ֆրանսայի ռազմական պատմութեան առնչուող թանգարաններ, այնտեղ կը գտնուի Նափոլէոն Պոնափարթի դամբարանը:

Ազնաւուրի աճիւնը պատուած էր Ֆրանսայի ազգային դրօշով: Աճիւնը յուշահամալիրի կեդրոնական հրապարակ բերուաեցաւ Հայող ցեղասպանութեան խորհրդանիշերէն մէկը դարձած «Տլէ եաման»ի մեղեդիի ներքոյ՝ դուդուկի կատարմամբ:

Շարլ Ազնաւուրի աճիւնի կողքին տեղադրուած էր Հայաստանի դրօշի գոյներով ծաղկեպսակ, զինուորական նուագախումբը կատարած է հայերէնով երգ մը:

aznavour-f-3

Ֆրանսացիները հոգեհանգիստի արարողութիւնը անուանած են «Յարգանքի ազգային տուրք»:
Էմանուէլ Մաքրոնէն բացի, արարողութեան մասնակցան Ֆրանսայի նախկին նախագահներ՝ Նիքոլա Սարքոզին եւ Ֆրանսուա Հոլանտը:

Հայաստանի պատուիրակութեան կազմին մէջ էին վարչապետ Նիկոլ Փաշինեանը՝ տիկնոջ հետ, նախագահ Արմէն Սարգսեանը՝ տիկնոջ հետ, Ամենայն հայոց կաթողիկոս Գարեգին Երկրորդը, Արտաքին գործոց նախարար Զօհրապ Մնացականեանը, Մշակոյթի նախարար Լիլիթ Մակունցը:

Իր խօսքով Նիկոլ Փաշինեանը ափսոսանքով նշեց, որ չհասցուց անձամբ ծանօթանալ Շարլ Ազնաւուրի հետ, ով ընդամէնը օրեր անց Ֆրանսայի նախագահի հետ պիտի գար Երեւան՝ մասնակցելու Ֆրանքոֆոնիայի գագաթնաժողովին:

aznavour-f-2

«Ուզում եմ հաւաստիացնել, որ անմնացորդ նուիրուած եմ այն գործին, որ նոր Հայաստանը պիտի դարձնի այնպիսին, ինչի մասին Դուք երազում էիք: Ազատ եւ Երջանիկ Հայաստանն իսկապէս արժանի գնահատանքը կը լինի Հայ ժողովրդի եւ Հայաստանի նկատմամբ Ձեր ունեցած անուրանալի վաստակին: Խոնարհւում եմ Ձեր առաջ` մեծ ֆրանսացի, մեծ հայ, մեծ արուեստագէտ, մեծ մարդասէր: Ննջի՛ր խաղաղութեամբ, սիրելի Վարպետ», – իր խօսքը եզրափակած է Նիկոլ Փաշինեանը:

Էմանուէլ Մաքրոնը իր ելոյթին մէջ ըսաւ, որ Ազնաւուրը դարձած է Ֆրանսայի դէմքը. – «Շարլ Ազնաւուրը դարձած է Ֆրանսայի դէմքը։ Ազնաւուրի երգերը նախ եւ առաջ բառեր են, բառեր, որոնք եկած եւ դպած են մեր սրտերուն»:
Հոգեհանգիստին մասնակցած են նաեւ հանրայայտ ֆութպոլիստ Եուրի Ճորքայէֆը, որ «Ազատութեան» հետ զրոյցի ժամանակ ըսած է.- «Ազնաւուրը աւելին էր, քան հայ ֆրանսացի երգիչ: Ան աշխարհի քաղաքացի էր, սիրոյ դեսպան, ժողովուրդի դեսպան: Երբ կը լսես անոր երգերը, կը հասկնաս, որ իւրաքանչիւրը սրտիդ մօտ է: Ան կը գրէր մարդոց մասին ու մարդոց համար»:

aznavour-f-4

Ազնաւուրի մտերիմ բարեկամներէն աշխարհահռչակ Միրէյ Մաթիոն «Ազատութեան» հետ զրոյցի ժամանակ շեշտած է մեծ շանսոնիէի հայկականութիւնը, հայ ըլլալը՝-Այսօր ես տխուր եմ, բայց ինծի համար մեծ պատիւ է խօսիլ Շարլի մասին, որ աշխարհի ամենայայտնի ֆրանսացի երգիչն էր: Ես անոր հետ կապուած շատ յիշողութիւններ ունիմ: Իմ գործունէութեան սկիզբը ինք գրած է իմ առաջին երգը, եւ ես այնքան հպարտ եմ անով: Ան մեծ արուեստագէտ էր: Կ’ըսէր՝ ես հարիւր տոկոսով ֆրանսացի եմ եւ հարիւր տոկոսով հայ: Ան միշտ կը խօսէր Հայաստանի մասին»:

Հարակից Նյութեր

Leave a Comment