Այս շաբաթավերջին Միացեալ Նահանգներ պիտի ժամանէ վարչապետ Նիկոլ Փաշինեան, Նիւ Եորքի մէջ մասնակցելու Միացեալ Ազգերու Կազմակերպութեան տարեկան ընդհանուր ժողովի եւ ելոյթ պիտի ունենայ Հայաստանի անունով:
Այս առթիւ Փաշինեան պիտի ունենայ շարք մը հանդիպումներ:
Նախատեսուած է նաեւ վարչապետի հանդիպումը Ամերիկահայ կազմակերպութիւններու ներկայացուցիչներուն հետ, որ տեղի պիտի ունենայ Կիրակի, Սեպտեմբեր 23-ի երեկոյան Նիւ Եորքի մէջ:
Վարչապետը պիտի այցելէ նաեւ Նիւ Եորքի «Մեթրոփոլիթըն» թանգարանէն ներս տեղի ունենալիք Հայաստանին նուիրուած ցուցահանդէսը: