ՀՀ վարչապետ Նիկոլ Փաշինեանը ֆէյսպուքեան էջի վրայ հրապարակած է յեղափոխութեան կատարուած նուիրատուութիւններու՝ նախնական-ամբողջական հաշուետուութեան ցանկը:
Մասնաւորապէս, ան հրապարակած է 49 լուսանկար, ուր նուիրատուներու անուն-ազգանուններն են, գումարներու չափն ու արժոյթը: Ըստ այդմ, ամենամեծ նուիրատուութեան չափը կը կազմէ 5 միլիոն դրամ: Նուիրատուութիւն կատարուած է տարբեր երկիրներէն՝ ԱՄՆ-էն, Գանատայէն, Ռուսիայէն, Ֆրանսայէն եւրոպական այլ երկիրներէն:
Ընդհանուր առմամբ՝ ստացուած նուիրատուութիւնները կը գերազանցեն 126 միլիոն դրամը:
